જિયોને જે પ્લાન્સ સાથે લૉન્ચ કરવામાં આવ્યા એ બીજી કંપનીઓના બ્રોડબેન્ડ પ્લાન્સથી થોડા સારા છે. એટલા માટે આજે અમે અહીંયા તમને JioFiberથી જોડાયેલી કેટલીક ખાસ વાતો જણાવવા જઇ રહ્યા છીએ જે આની સર્વિસ લેતા પહેલા જાણવી ખૂબ મહત્વની છે.
Reliance JioFiberની એક વર્ષ રાહ જોયા બાદ 5 સપ્ટેમ્બરે કોમર્શીયલી લૉન્ચ કરી દેવામાં આવ્યું છે. આ પ્લાન્સથી ગ્રાહકો થોડા નિરાશ પણ થઇ ગયા છે. ગત વર્ષે જ્યારે કંપનીએ JioFiber લૉન્ચ કરવાની જાહેરાત કરી હતી, ત્યારબાદથી જ આ વાતની આશા વ્યક્ત કરવામાં આવી રહી હતી કે જિયો ટેલિકૉમની જેમ જ બ્રોડબેન્ડ સેક્ટરને પણ પોતાના સસ્તા પ્લાન્સ અને ઑફરથી સમગ્ર રીતે બદલી નાંખશે. જો કે આવું થયું નહીં અને જિયોને જે પ્લાન્સ સાથે લૉન્ચ કરવામાં આવ્યા એ બીજી કંપનીઓના બ્રોડબેન્ડ પ્લાન્સથી થોડા સારા છે. એટલા માટે આજે અમે અહીંયા તમને JioFiberથી જોડાયેલી કેટલીક ખાસ વાતો જણાવવા જઇ રહ્યા છીએ જે આની સર્વિસ લેતા પહેલા જાણવી ખૂબ મહત્વની છે.
અલગથી લેવું પડશે ટીવી કનેક્શન
JioFiber માટે પહેલા એવું માનવામાં આવતું હતું કે કંપની એની સાથે ફ્રી ટીવી કનેક્શન પણ ઑફર કરશે જેનાથી યૂઝર સેટેલાઇટ ટીવી ચેનલ્સને જોઇ શકશે. જો કે એના કોમર્શિયલ લૉન્ચ બાદ જાણવા મળ્યું કે જિયો ફાયબર કનેક્શનની સાથે યૂઝર્સને ટીવી પર ચેનલ દેખવા માટે અલગથી કનેક્શન લેવું પડશે. આ કેબલ કનેક્શન તમને તમારા શહેર અથવા વિસ્તારના લોકલ કેબલ ઑપરેટર પાસેથી ઉપલબ્ધ કરાવવાશે.
તમામ પ્લાન્સની સાથે સેટ ટૉપ બૉક્સ
JioFiber કનેક્શનની સાથે કંપની ટીવી કનેક્શન આપી રહી નથી, પરંતુ એની સાથે તમામ યૂઝર્સને 6500 રૂપિયાની કિંમતનું સેટ ટૉપ બૉક્સ જરૂર આપવામાં આવી રહ્યું છે. કંપની એને વેલકમ ઑફર હેઠળ ઉપલબ્ધ કરાવી રહી છે. યૂઝર આ સેટ ટૉપ બૉક્સ દ્વારા સેટેલાઇટ ટીવીને સ્ટ્રીમ કરવાની સાથે જ ઓટીટી કૉન્ટેન્ટની પણ મજા માણી શકો છો. જિયો સેટ ટૉપ બોક્સ નેટફ્લિક્સ જેવા ઘણા વીડિયો સ્ટ્રીમિંગ એપ્લિકેશનની સાથે આવે છે. જ્યારે સેટેલાઇટ ટીવી જોવા માટે અલગથી કેબલ કનેક્શન લેવું પડશે.
લૉન્ગ ટર્મ પ્લાન્સમાં નથી વિકલ્પ
કંપની JioFiber કનેક્શનની સાથે બ્રોડબેન્ડની સાથે બ્રોડબેન્ડ સર્વિસના એનુઅલ પ્લાનને પસંદ કરી શકો છો. એમા યૂઝર્સને જિયોફાઇબરના લૉન્ગ ટર્મ પ્લાનમાં મળતા બેનિફિટ્સમાંથી કોઇ એકને પસંદ કરવો પડશે. યૂઝર લૉન્ગ ટર્મ પ્લાનમાં મળતા ફ્રી બ્લૂટૂથ સ્પીકર અથવા HDTVની પસંદગી કરી શકે છે અથવા એની જગ્યાએ લૉન્ગ ટર્મ પ્લાનમાં મળનાર ડબલ ડેટા વિકલ્પની પસંદગી કરી શકો છો. યૂઝરને જો આ બંને વિકલ્પ પસંદ નથી તો એ જિયો ફાયબર પ્લાનની બે મહિનાની ફ્રી સર્વિસને સિલેક્ટ કરી શકે છે.
FUP ડેટા લિમીટ એક મહિના માટે
JioFiber કનેક્શનની સાથે આવનાર FUP ડેટા લિમીટને લઇને પણ યૂઝર ખૂબ કન્ફ્યૂઝ છે. યૂઝર્સનું માનવું હતું કે JioFiber કનેક્શનની સાથે એમને સારી એવો ડેલી ડેટા લિમિટ મળશે. જોકે આવું નથી. જિયો ફાયબરના પ્લાન્સ મંથલી ડેટા લિમીટ સાથે આવે છે.
સિક્યૉરિટી ડિપોઝીટનું સત્ય
JioFiber ના ટેસ્ટિંગ દરમિયાન કંપનીએ પ્રીવ્યૂ ઓફર હેઠળ કનેક્શન આપી રહી હતી. જેમાં યૂઝર્સને 2500 રૂપિયાનો સિક્યોરિટી ડિપોઝીટ કરવી પડતી હતી. કંપની આ પ્રીવ્યૂ કસ્ટમર્સને 2500 રૂપિયાનું રિફંડ પાછુ આપી રહી છે. જો કે નવા યૂઝર્સને આ લાભ મળશે નહીં. હવે જે યૂઝર JioFiber કનેક્શન લેશે તેમને કનેક્શન માટે 2500 રૂપિયા આપવાના રહેશે.
એમાં 100 રૂપિયા ઇન્સ્ટોલેશન ચાર્જ છે, જ્યારે 1500 રૂપિયા રિફન્ડેબલ છે. આ અમાઉન્ટમાં યૂઝર્સને JioFiber રાઉટરની સાથે સેટ ટૉપ બોક્સ પણ આપવામાં આવશે. આ સાથે જ JioFiber કનેક્શન ડિસકનેક્ટ કરાવવા પર યૂઝર્સને સેટ ટૉપ બોક્સ પરત કરવું પડશે.