રિલાયન્સ જિયો બહુ ઓછાં સમયમાં દેશની સૌથી મોટી ટેલિકોમ કંપની બની ગઈ છે. જિયોએ તેના લોન્ચની સાથે જ ઓછી કિંમતના પ્રીપેડ પ્લાન લોન્ચ કર્યાં અને અન્ય ટેલિકોમ કંપનીઓને મુશ્કેલીમાં મૂકી દીધી. જેથી અન્ય કંપનીઓએ પણ તેમના ડેટા ટેરિફની કિંમત ઘટાડવી પડે છે તેનો ફાયદો ભારતીય મોબાઈલ ફોન યુઝર્સને થયો. આમ તો જિયો પાસે ઘણાં સસ્તા પ્લાન છે પણ આજે અમે તમને જિયોના વાર્ષિક પ્લાન વિશે જણાવીશું.
જિયોના ગ્રાહકો માટે બેસ્ટ પ્લાન
એકવાર રિચાર્જ કરાવો અને આખા વર્ષની શાંતિ
350 જીબી સાથે મળે આ સુવિધાઓ
જિયોની પાસે એક એવો પ્લાન છે જેની વેલિડિટી 360 દિવસની છે. આ પ્રીપેડ પેકની કિંમત 4999 રૂપિયા છે. જિયોના આ પ્રીપેડ પેકમાં 350 જીબી ડેટા મળે છે. આ સિવાય આ પેકમાં જિયો ટૂ જિયો અનલિમિટેડ કોલિંગ અને જિયોથી અન્ય નેટવર્ક પર કોલ કરવા માટે 12000 મિનિટ મળે છે. એટલે કે, દર મહિને તમારી પાસે 1000 કોલિંગ માટે મિનિટ મળે છે. આ સિવાય આ પેકમાં 100 એસએમએસ રોજ મળે છે. સાથે જ આ પેકમાં જિયોનું સબસ્ક્રીપ્શન પણ ફ્રી મળે છે.
જો તમે જિયોનો આ લાંબી વેલિડિટીવાળો પેક ખરીદી લો છો તો તમારે વારંવાર રિચાર્જ કરાવવું નહીં પડે અને 1 વર્ષ સુધી આ રિચાર્જ ચાલશે. તમને જણાવી દઈએ કે, હાલમાં જ જિયોએ કોરોના વાયરસને કારણે બધાં જ યુઝર્સ માટે પ્રીપેડ પેકની વેલિડિટી વધારી દીધી છે. એટલે કે જો યુઝરની પ્રીપેડ પ્લાનની વેલિડિટી ખતમ થઈ રહી છે તો પણ તેને ઈનકમિંગની સુવિધા મળતી રહેશે, જેથી યુઝર પોતાના પરિવારજનો અને મિત્રોથી કનેક્ટેડ રહી શકે.