ખાનગી ક્ષેત્રની દૂરસંચાર કંપનીઓ રિલાયન્સ જિયો, વોડાફોન આઇડિયા અને ભારતી એરટેલે દૂરસંચાર વિભાગને 4500 કરોડ રૂપિયાના સ્પેક્ટ્રમની બાકી ચૂકવણી કરી છે. સૂત્રોએ બતાવ્યું કે આ કંપનીઓએ ગત ત્રણથી ચાર દિવસોમાં આ ચૂકવણી કરી છે. દુરસંચાર કંપનીઓ આ સમય ગંભીર નાણાકીય સંકટનો સામનો કરી રહી છે.
આ કંપનીઓએ પૂર્વની હરાજીઓમાં ખરીદવામાં આવેલા સ્પેક્ટ્રમના ઇન્સ્ટોલમેન્ટ હેઠળ આ ચૂકવણી કરી છે. આ ચૂકવણી 21 ઓક્ટોબરે કરવાની હતી. મુકેશ અંબાણીની આગેવાની વાળી રિલાયન્સ જિયોએ દુરસંચાર વિભાગને 1133 કરોડ રૂપિયા, વોડાફોન આઇડિયાએ 2421 કરોડ રૂપિયા અને ભારતી એરટેલે 977 કરોડ રૂપિયાની ચૂકવણી કરી છે. કુલ મળીને આ કંપનીઓએ સ્પેક્ટ્રમની બાકી ચૂકવણી દૂરસંચાર વિભાગને 4531 કરોડ રૂપિયા ચૂકવ્યા છે.
જોકે આ મામલે રિલાયન્સ જિયો અને એરટેલને મોકલવામાં આવેલા ઇ-મેઇલનો જવાબ ન મળ્યો. જ્યારે વોડાફોન આઇડિયાના પ્રવક્તાએ કહ્યું કે કંપની આ પ્રકારના મામલાઓ પર ટિપ્પણી નથી કરતી, કેમકે આ એક સામાન્ય બિઝનેસ પ્રક્રિયા છે.
સરકારે ગત વર્ષે માર્ચમાં દૂરસંચાર કંપનીઓને રાહત આપતા સ્પેક્ટ્રમ ચૂકવણીના વાર્ષિક ઇન્સ્ટોલમેન્ટમાં 10થી વધારીને 16 કરી દીધો હતો. નોંધનીય છે કે, દૂરસંચાર ક્ષેત્ર નાણાકીય દબાણનો સામનો કરી રહ્યો છે.
રિલાયન્સ જિયોથી મળી રહેલી પ્રતિસ્પર્ધાને કારણે દૂરસંચાર ક્ષેત્રનો નફો ઘટી રહ્યો છે. અને તેના પર દેવાનો બોજ વધી રહ્યો છે. ઉદ્યોગ સરકારને રાહત માટે સ્પેક્ટ્ર્મ લાઇસન્સની ફી અને સ્પેક્ટ્રમ ફીમાં ઘટાડોમાં કાપ અને સરકાર પાસે લટકેલા જીએસટી ઇનપુટ પર ટેક્સ ક્રેડિટને ચાલુ રાખવાની માંગ કરી રહ્યું છે.