ટેલિકોમ રેગ્યુલેટરી ઓથોરિટી ઓફ ઇન્ડિયા (ટ્રાઇ)ની ગાઈડલાઈન અનુસાર, ભારતમાં ટેલિકોમ ઓપરેટરોએ ડિસેમ્બરની શરૂઆતથી જ તેમના ટેરિફ રેટ મોંઘા કર્યા છે. રિલાયન્સ જિયોએ તેના પ્લાન 40 ટકા સુધી મોંઘા કરી દીધા છે. એરટેલ અને વોડાફોન-આઇડિયા યુઝર્સને અનલિમિટેડ કોલિંગ પ્લાન્સ ઓફર કરી રહ્યાં છે ત્યારે જિયો યુઝર્સને અન્ય નેટવર્ક પર કોલ કરવા માટે પ્રતિ મિનિટ 0.6 પૈસા ચૂકવવા પડી રહ્યાં છે.
રિલાયન્સ જિયોના ગ્રાહકોને મળી શકે છે આ સુવિધા
સસ્તામાં રિચાર્જ કરી શકે છે જિયોના ગ્રાહકો
જૂના પ્લાન્સ એક્ટિવ કરો અને કરો બચત
ટ્રાઇની એક અન્ય ગાઈડલાઈન અનુસાર, બધાં ટેલિકોમ ઓપરેટરો વારંવાર તેમના ટેરિફ પ્લાન્સ બદલી શકતા નથી અને કોઈપણ નવા પ્લાન્સ ઓછામાં ઓછાં 6 મહિના માટે ગ્રાહકોને ઓફર કરવા ફરજિયાત છે. એવું લાગે છે કે, રિલાયન્સ જિયો આ ગાઈડલાઈન્સને સંપૂર્ણ રીતે અનુસરી રહ્યું છે. જે યુઝર્સના ટેરિફ પ્લાન્સ એક્સપાયર થઈ ગયા છે અથવા તો જે યુઝર્સના નંબર પર હાલ કોઈ જ પ્લાન એક્ટિવ નથી, તેઓ ટેરિફ પ્રોટેક્શન ઓપ્શન સિલેક્ટ કરી શકે છે.
કેટલાક જૂના પ્લાન્સ પણ ઉપલબ્ધ છે
એટલે કે જિયો યુઝર્સ હજી પણ જૂના સસ્તા પ્લાન્સથી રિચાર્જ કરી શકે છે. જો તમે તમારા જિયો નંબર પર જૂના પ્લાનથી રિચાર્જ કરવા માગો છો, તો તેના માટે પણ વિકલ્પ ઉપલબ્ધ છે. ટેરિફ પ્રોટેક્શન ઓપ્શન એક્ટિવેટ કર્યા બાદ ધ્યાન રાખવું કે, માત્ર એ જ પ્લાન યુઝર્સ માટે ઉપલબ્ધ રહેશે, જેને લોન્ચ થયાને 6 મહિનાથી ઓછો સમય થયો છે. જેથી બધાં જ જૂના પ્લાન યુઝર્સ માટે ઉપલબ્ધ નહીં હોય.
જૂના પ્લાન્સ એક્ટિવ કરવા આ સ્ટેપ્સ ફોલો કરો
સરળ સ્ટેપ્સથી ટેરિફ પ્રોટેક્શન ઓપ્શનને ઈનેબલ કરી શકાય છે.
સૌથી પહેલાં www.jio.com પર જાઓ અને ત્યાં તમારો રિલાયન્સ જિયો નંબર નાખી ઓટીપીની મદદથી લોગઈન કરો.
હવે રિચાર્જ બટન પર ક્લિક કરો.
પછી ટેરિફ પ્રોટેક્શન મેન્યૂની અંદર જૂના પ્લાન્સની લિસ્ટ પણ દેખાશે
કોઈપણ ઉપલબ્ધ પ્લાન પર ટેપ કરો અને પેમેન્ટ ઓપ્શન પર જાઓ.
પેમેન્ટ પ્રોસેસ પૂરી કર્યા બાદ જૂના પ્લાનથી રિચાર્જ થઈ જશે.