સારાં સમાચાર / Jio યુઝર્સ માટે લાવ્યું 2 નવા પ્લાન, 69 રૂપિયામાં મળશે 7 GB ડેટા અને કોલિંગ બેનિફિટ્સ

• જિયોના યુઝર્સ માટે સારાં સમાચાર 
• કંપનીએ લોન્ચ કર્યા 2 નવા શોર્ટ ટર્મ પ્લાન
• યુઝર્સને આમાં મળશે ડેટા અને કોલિંગનો ફાયદો

49 રૂપિયાનો પ્લાન

કંપનીએ 49 રૂપિયાના પ્લાન પહેલાં પણ ઓફર કરતી હતી પરંતુ ડિસેમ્બર 2019માં ટેરિફ મોંઘા થયા બાદ આ પ્લાન હટાવી દેવામાં આવ્યો હતો. હવે કંપનીએ ફરી આ પ્લાન ઉપલબ્ધ કરાવ્યો છે. જોકે, આ પ્લાનમાં પહેલાં 28 દિવસની વેલિડિટી મળતી હતી, જે હવે 14 દિવસ કરી દેવામાં આવી છે. આ પ્લાન જિયો નેટવર્ક માટે અનલિમિટેડ કોલિંગ ઓફર કરે છે અને અન્ય નેટવર્ક માટે 250 મિનિટ્સ આપે છે. 25 ફ્રી એસએમએસ સાથે 14 દિવસ માટે 2જીબી 4જી ડેટા પણ આપી રહી છે. 

69 રૂપિયાનો પ્લાન

69 રૂપિયાના શોર્ટ ટર્મ પ્લાનમાં 14 દિવસની વેલિડિટી સાથે 7 જીબી ડેટા ઓફર કરવામાં આવી રહ્યું છે. 49 રૂપિયાના આ પ્લાનમાં પણ તમને જિયોના નેટવર્ક પર અનલિમિટેડ કોલિંગ મળી રહી છે અને અન્ય નેટવર્ક પર કોલ કરવા માટે 250 મિનિટ્સ ફ્રી મળશે. આ પ્લાનમાં 25 ફ્રી એસએમએસ પણ મળશે. 14 દિવસ માટે 7જીબી 4જી ડેટા પણ આપી રહી છે. 

જિયોના યુઝર્સ માટે અન્ય સસ્તો પ્લાન

કંપનીએ જિયોના યુઝર્સને મળનારા ઓલ ઈન વન પ્લાનમાં કોઈ ફેરફાર કર્યો નથી. 75 રૂપિયાના જિયો પ્લાનમાં યુઝર્સને રોજ 100એમબી ડેટાની સાથે જિયો નેટવર્ક પર અનલિમિટેડ કોલિંગની સાથે 50 ફ્રી એસએમએસ પણ ઓફર કરવામાં આવી રહ્યાં છે. 28 દિવસની વેલિડિટીવાળા આ પ્લાનમાં અન્ય નેટવર્ક પર કોલિંગ માટે 500 ફ્રી મિનિટ્સ પણ મળી રહી છે.