દેશભરમાં 15 શહેરોમાં કરાવવામાં આવેલા સર્વે પ્રમાણે જુલાઇ ડિસ્મેબ્ર 2018 દરમિયાન એરટેલની ડેટા સ્પીડ સૌથી ફાસ્ટ રહી તો બીજી બાજુ 4G નેટવર્ક કવરેજ મામલે Reliance Jio સૌથી આગળ રહ્યું. સ્પીડ ટેસ્ટિંગ એજન્સીની એક રિપોર્ટમાં મંગળવારે આ જાણકારી સામે આવી છે.
રિપોર્ટમાં એવું કહેવામાં આવ્યું છે કે 'એરટેલ 2018ની ત્રીજી અને ચોથા ત્રિમાસિકમાં દેશની સૌથી ફાસ્ટ મોબાઇલ સર્વિસ પ્રોવાઇડર રહ્યું. ડેટા સ્પીડના મામલે એરટેલ ટોપ પર રહ્યું. ડાઉનલોડ અને અપલોડની કુલ સ્પીડની સાથે તમામ નેટવર્ક કેટેગરીમાં કંપનીનો સ્કોર 1.034 રહ્યો. તો 4G કેટેગરીમાં એરટેલે 11.23 ટકા સ્કોર કર્યો.'
એરટેલ બાદ બીજા નંબર પર વોડાફોન રહ્યું. વોડાફોનનો બંને કેટેગરીમાં સ્કોર 8.19 અને 9.13 જિયોનો 7.11 અને 7.11 જ્યારે આઇડિયા સેલ્યુલરનો સ્કોર 6.2 અને 7.2 રહ્યો.
રિપોર્ટમાં કહેવામાં આવ્યું છે કે નેટવર્ક કવરેજ પ્રમાણ રિલાયન્સ જિયોએ મોટી કંપનીઓને પાછળ પાડી દીધી છે. રિપોર્ટ પ્રમાણે જે ક્ષેત્રમાં સર્વેક્ષણ કરવામાં આવ્યું છે એમાં 99.3 ટકા જિયોની હાજરી રહી.
સામાન્ય રીતે જિયોની ઉપલબ્ધતા સારી છે. યૂઝર્સે 99.3 ટકા સ્થો પર જિયોની સેવા પ્રાપ્ત કરી. એરટેલનું નેટવર્ક 99.1 ટકા વોડાફોનનું 99 ટકા અને આઇડિયા સેલ્યુલરનું નેટવર્ક 98.9 ટકા જગ્યા પર મળ્યું છે.
4G સેવાના આધાર પર જિયોનું નેટવર્ક સર્વેના 98 ટકા જગ્યા પર હાજર રહ્યું જ્યારે એરટેલનું નેટવર્ક 90 ટક વોડાફોન (84.6) અને આઇડિયા(82.8) સ્થાન પર રહ્યું.
ગત વર્ષે ઓગસ્ટમાં વોડાફોન અને આઇડિયાનો વિલય થયો હતો પરંતુ હજુ પણ બંને બ્રાન્ડ અલગ અલગ પોતાની સેવાઓ આપી રહી છે. રિપોર્ટમાં કહેવામાં આવ્યું છે કે 'જો એમાં ફેરફાર થયો હોત તો દરેક ગ્રાહકો માટે 4G ઉપલબ્ધતા સારી રહેત.'