જો તમે પણ ભારતીય રેલવેમાં તમારી સેવા આપી રહ્યા છો તો તમારા માટે મોટા સમાચાર છે કારણ કે 1 જાન્યુઆરી 2019 થી તમને રિલાયન્સ જિયોની સેવા મળશે. હવે ભારતીય રેલવે ના તમામ કર્મચારીઓને રિલાયન્સ જિયોનું કનેક્શન મળશે. જિયોની સાથે રેલવેની ભાગીદારીનો એ ફાયદો થશે કે રેલવેના ફોનનું બિલ આશરે 35 ટકા ઓછું આવશે.
રેલવે બોર્ડ પ્રમાણે ભારતીય રેલ માટે નવી સીયૂજી યોજનાને અંતિમ રૂપ આપવાની જવાબદારી મળી છે. જિયોની સાથે રેલવેની ભાગીદાકી હેઠળ રેલવેના કર્મચારીઓને જિયોનું કનેક્શન મળશે અને દર મહિને હાઇ સ્પીડ ડેટાની સાથે અનલિમિટેડ કોલિંગ મળશે.
31 ડિસેમ્બર 2018 સુધી ભારતીય રેલવે ભારતી એરટેલથી પોતાની સેવાઓ લઇ રહી હતી. છેલ્લા છ વર્ષોથી રેલવેનો ટેલિકોમ પાર્ટનર એરટેલ જ હતું. ભારતીય રેલવેએ પોતાના કર્મચારીઓને આશરે 1.95 લાખ મોબાઇલ કનેક્શન આપ્યા છે અને દર વર્ષે રેલવેને આશરે 100 રૂપિયા ફોનના બિલ રૂપમાં ચૂકવવા પડે છે.
આ ભાગીદારી હેઠળ જિયો રેલવેને ચાર પ્લાન ઉપલબ્ધ કરશે. રેલવેના વરિષ્ઠ અધિકારીઓને 125 રૂપિયાનો માસિક પ્લાન મળશે. જેમાં 60 જીબી ડેટા મળશે અને સાથે અનલિમિટેડ કોલિંગ મળશે.
જ્યારે સંયુક્ત સચિવ સ્તરના અધિકારીઓને 99 રૂપિયામાં માસિક 45GB નો ડેટા પ્લાન સમૂહ સી ના કર્મચારીઓને 67 રૂપિયાનો 30GB ડેટાનો પ્લાન અને થોક એસએમએસનો 49 રૂપિયાનો પ્લાન મળશે. જો કે કિંમતને લઇને તમારે પરેશાન થવાની જરૂર નથી કારણ કે આ બીલ ભારતીય રેલવે ચૂકવશે.