હવે કંપની પોતાના Reliance Cheapest 4G Smartphoneના વેચાણને ફાઈનાન્સ કરવા માટે 5 બેન્કોની સાથે કરાર કર્યો છે.
Reliance Jio લાવશે 4G સ્માર્ટફોન
ફાઈનાન્સ માટે આ બેન્ક સાથે કર્યો કરાર
જાણો શું છે સ્કીમ
દેશની દિગ્ગજ નેટવર્ક કંપની Reliance Jio ટૂંક સમયમાં જ પોતાનો સસ્તો 4G સ્માર્ટફોન લઈને આવી રહી છે. કંપનીએ આ સ્માર્ટફોનને Googleની સાથે મળીને બનાવ્યો છે જે બન્નેની એપથી સજ્જ હશે. દરેક લોકો ફોનને સળતાથી વગર કોઈ મુશ્કેલીએ ખરીદી શકે તેનું પણ Reliance Jioએ ધ્યાન રાખ્યું છે. જણાવી દઈએ કે કંપનીએ પોતાના સસ્તા સ્માર્ટફોરના વેચાણને ફાઈનાન્સ કરવા માટે 5 બેન્કોની સાથે કરાર કર્યો છે.
આ વાતની જાણકારી મીડિયા રિપોર્ટમાં સામે આવી છે. JioPhone Next ખરીદનાર ગ્રાહકોને ફોનની કિંમતના 10 ટકા પહેલા આપવાના રહેશે અને બાકીની એમાઉન્ટ બેન્ક દ્વારા ફાઈનાન્સ કરવામાં આવશે.
આ બેન્કોની સાથે કર્યો કરાર
સ્ટેટ બેન્ક ઓફ ઈન્ડિયા, પિરામલ કેપિટલ, આઈડીએફસી ફર્સ્ટ એશ્યોર અને ડીએમઆઈ ફાઈનાન્સે 10 હજાર કરોડ રૂપિયાના વ્યાપારનો ભરોસો અપાવ્યો છે. આ ઉપરાંત 4 અન્ય નોન-બેન્કિંગ ફાઈનાન્સ કંપનીઓને 2500 કરોડ રૂપિયાના ક્રેડિટ સપોર્ટનો ભરોસો આપવામાં આવ્યો છે.
આ સ્માર્ટફોન બે વેરિએન્ટમાં ઉપલબ્ધ રહેશે. બેસિક વેરિએન્ટ 5,000 રૂપિયામાં ઉપલબ્ધ હશે અને ત્યાં જ એડવાન્સ વેરિએન્ટ 7,000 રૂપિયામાં ઉપલબ્ધ હશે Jioએ વેચાણ માટે ડિસ્ટ્રીબ્યૂટર અને ફાઈનાન્સની સાથે અમુક ટારગેટ નક્કી કર્યા છે.
જણાવી દઈએ કે આ વર્ષે શરૂમાં રિલાયન્સ ઈન્ડસ્ટ્રીઝ લિમિટેડની 44મી એન્યુએલ જનરલ મીટિંગમાં સસ્તા 4જી સ્માર્ટફોનને લોન્ચ કરવામાં આવ્યો હતો. રિલાયન્સ ઈન્ડસ્ટ્રીઝ લિમિટેડે JioPhone Next 4G સ્માર્ટફોન દ્વારા શરૂઆતી પ્રોડક્શન ઓર્ડર આપ્યું છે. જેને ગુગલની સાથે ભાગીદારીમાં તૈયાર કર્યો છે.