હવે સસ્તા સ્માર્ટફોન બનાવશે મુકેશ અંબાણી જિયોએ શરૂ કરી તૈયારીઓ

જિયોના લોન્ચિંગ બાદ જ ટેલીકોમ કંપનીમાં ભૂકંપ આવી ગયો હતો અને હવે રિલાયંસ ઈન્ડસ્ટ્રીઝના ચેરમેન મુકેશ અંબાણી ફરી એક વખત બજારમાં ભૂકંપ લાવવા જઈ રહ્યા છે. મુકેશ અંબાણીની નજરમાં આ વખતે સ્માર્ટફોન માર્કેટ છે. રિલાયન્સ જિયોએ ગયા વર્ષે દુનિયાનો પહેલો 4G ફિચર લોન્ચ કર્યો હતો અને તે પણ 1500 રૂપિયાની કિંમત પર અને હવે કંપની ભારતના 50 કરોડ લોકોને સ્માર્ટફોન આપવાની તૈયારીમાં છે.

મીડિયા રિયોર્ટ્સ મુજબ રિલાયન્સ જિયો ટૂંક સમયમાં સસ્તા સ્માર્ટફોન લોન્ચ કરવાનું છે. ફોનની કિંમત 2000 રૂપિયાથી પણ ઓછી હોય શકે છે. અને તેની સાથે જ કંપની ઘણા બધા ફ્રી ઓફર્સ પણ આપી શકે છે. સસ્તા સ્માર્ટફોન માટે જિયો અમેરિકી સ્માર્ટફોન નિર્માતા કંપની Flex સાથે વાતચીત કરી રહ્યું છે.

એક રિપોર્ટ અનુસાર જિયો 10 કરોડ સ્માર્ટફોન માટે Flex સાથે વાત કરી રહ્યું છે. તમને જણાવી દઈએ કે Flex નામની અમેરિકી કંપની આર્ડર બાદ જ સ્માર્ટફોન તૈયાર કરે છે.

રિપોર્ટમાં એ પણ ઉલ્લેખ છે કે કંપની હવે જાતે જ સ્માર્ટફોન વેચવાની તૈયારી કરી રહી છે. કંપનીનું પ્લાનિંગ સસ્તા સ્માર્ટફોન સાથે સ્માર્ટફોન બજાર પર કબ્જો કરવાની છે. જોકે જિયોની તરફથી આ મામલે કોઈ સત્તાવાર નિવેદન આપવામાં આવ્યું નથી.

આમ તો 10 કરોડ સ્માર્ટફોન માટે જ Flex સાથે વાત કરવામાં આવી રહી છે પરંતુ જિયોની નજર દેશના 50 કરોડ ફિચર ફોન ગ્રાહકો પર છે તેમને કંપની સ્માર્ટફોન પર લાવવા માંગે છે. કારણ કે રિપોર્ટની વાત માનવામાં આવે તો કિંમત વધુ હોવાના કારણે લોકો સ્માર્ટફોન ખરીદી શકતા નથી.

રિપોર્ટમાં એ પણ કહેવામાં આવ્યું છે કે મોટો ઓર્ડર હોવાના કારણે ટેક્સમાં છુટ માટે ફ્લેક્સ સરકાર સાથે વાત કરી રહી છે. સરકાર પાસેથી મળતી છુટના આધારે પણ ફોનની કિંમત નક્કી કરવામાં આવશે. જો સરકાર પાસેથી છુટ મળશે તો જ જિયો પોતાનો સ્માર્ટફોન આપશે.