રિલાયન્સ જિયો જિયોફોન ખરીદનાર ગ્રાહકોને સ્પેશિયલ ઓફર્સ આપી રહી છે. જેમાંથી જિયોના 3 એવા પ્લાન છે જે લેવાથી જિયો ફોન મફત મળશે. ચાલો જાણીએ.
જિયોના ગ્રાહકો માટે શાનદાર ઓફર
જિયોના આ પ્લાનમાં 2 વર્ષ સુધી ચાલશે રિચાર્જ
આ પ્લાનમાં મળશે કોલિંગ અને ડેટા
જિયોના આ પ્લાનની કિંમત 1999 રૂપિયા, 1499 રૂપિયા અને 749 રૂપિયા છે. ખાસ વાત એ છે કે 1999 રૂપિયાના પ્લાનમાં તમને JioPhone સાથે 2 વર્ષની વેલિડિટી સાથેનો પ્લાન આપવામાં આવશે.
1999 રૂપિયાનો પ્લાન
1999 રૂપિયાના પ્લાનમાં તમને તેની સાથે એક જિયોફોન અને 2 વર્ષ માટે અનલિમિટેડ કોલિંગ અને ડેટા પ્લાન મળશે. એટલે કે એકવાર ફોન લીધા પછી 2 વર્ષ સુધી રિચાર્જ કરાવવાની જરૂર નહીં પડે. આ પ્લાનમાં ગ્રાહકોને તમામ નેટવર્ક પર અનલિમિટેડ કોલિંગ અને 2 જીબી ડેટા દર મહિને મળશે. ડેટા લિમિટ ખતમ થયા બાદ સ્પીડ ઘટીને 64Kbps થઈ જશે.
1,499 રૂપિયાનો પ્લાન
જો તમને 1,999 રૂપિયાનો પ્લાન મોંઘો લાગે છે તો તમે 1,499 રૂપિયાના પ્લાનમાં પણ જઈ શકો છો. જોકે, આ પ્લાન માત્ર એક વર્ષની વેલિડિટી સાથે આવે છે. એટલે કે, એકવાર ફોન લીધા બાદ તમારે 1 વર્ષ માટે રિચાર્જ નહીં કરાવવું પડે. પ્લાનમાં તમામ નેટવર્ક પર અનલિમિટેડ કોલિંગ અને દર મહિને 2 જીબી ડેટા ઉપલબ્ધ રહેશે. એકવાર ડેટા લિમિટ પૂરી થઈ જાય પછી સ્પીડ ઘટીને 64Kbps થઈ જશે.
749 રૂપિયાનો પ્લાન
કંપની 749 રૂપિયાનો બીજો પ્લાન ઓફર કરી રહી છે, જેની સાથે JioPhone મફતમાં મળશે. જોકે, આ પ્લાન ફક્ત એ યુઝર્સ માટે છે જે પહેલાથી જ JioPhoneનો ઉપયોગ કરી રહ્યાં છે. આ પ્લાન 1499 રૂપિયાના પ્લાન જેવો જ છે. આમાં પણ એક વર્ષ માટે તમામ નેટવર્ક પર અનલિમિટેડ કોલિંગ, અને દર મહિને 2 જીબી ડેટા મળે છે. એકવાર ડેટા લિમિટ પૂરી થઈ જાય પછી સ્પીડ ઘટીને 64Kbps થઈ જશે.