ટેલિકોમ / Jioના ગ્રાહકોને મોટો ઝટકો, કંપનીએ હટાવ્યો તેનો સૌથી સસ્તો પ્લાન

• જિયોના યુઝર્સને હવે નહીં મળે 49 રૂપિયાના પ્લાનનો ફાયદો
• હવે સૌથી સસ્તું રિચાર્જ 75 રૂપિયામાં થશે
• આ પ્લાનમાં વોઈસ કોલિંગ, રોજ 100 એમબી ડેટા, 50 એસએમએસ મળશે

જિયો ગ્રાહકો માટે 99 રૂપિયા, 153 રૂપિયા, 297 રૂપિયા અને 594 રૂપિયાવાળા પ્લાન્સ પણ ઉપલબ્ધ કરાવ્યા છે, પરંતુ ગ્રાહકોએ નોન-જિયો મિનિટ માટે IUC ટોપ-અપ રિચાર્જ કરવું પડશે. રિલાયન્સ જિયોના જિયોફોનની કિંમત માત્ર 1500 રૂપિયા હોવાથી લાખો ગ્રાહકો તેનાથી આકર્ષાયા હતા, જોકે જિયોફોન યુઝર્સ માટે સોથી સારી બાબત એ હતી કે તેમના માટે 49 રૂપિયાનો પ્લાન ઉપલબ્ધ હતો. આ પ્લાનમાં યુઝર્સને કોઈપણ FUP વગર અનલિમિટેડ વોઇસ કોલિંગની સુવિધા મળતી હતી. આ પ્લાનની વેલિડિટી 28 દિવસ અને સાથે રોજનો 1GB ડેટા પણ મળતો હતો. જોકે હવે IUC ટોપ અપ વાઉચર્સ આવ્યા બાદ 49 રૂપિયાનો પ્લાન જ કંપનીએ હટાવી લીધો છે અને હવે જિયો પ્લાન્સ 75 રૂપિયા શરૂઆતી કિંમત રાખવામાં આવી છે. 

75 રૂપિયાના પ્લાનમાં  28 દિવસની વેલિડિટી મળશે

ગયા મહિને રિલાયન્સ જિયોએ જિયોફોન માટે ઓલ-ઈન-વન રિચાર્જ પ્લાન્સ રજૂ કર્યા હતા. આ પ્લાન્સમાં નોન જિયો મિનિટ્સ પણ મળે છે. આ પ્લાન્સ 75 રૂપિયા, 125 રૂપિયા અને 185 રૂપિયાવાળા છે. હવે બેસ પ્લાન એટલે કે 75 રૂપિયાવાળા પ્લાનમાં ગ્રાહકોને અનલિમિટેડ જિયો ટૂ જિયો વોઈસ કોલિંગ, 500 મિનિટ નોન જિયો કોલિંગ, રોજ 100 એમબી ડેટા, 50 એસએમએસ અને 28 દિવસની વેલિડિટી મળશે.