રિલાયન્સ જિયોએ પોતાના ટોકટાઈમ પ્લાન સાથે ઓફર કરવામાં આવતા ફ્રી ડેટા બેનિફિટ બંધ કરી દીધું છે. એટલે કે જિયો 4જી ડેટા વાઉચર્સમાં હવે વોઈસ કોલિંગનો ફાયદો નહીં મળે. 2020ની શરૂઆતમાં જિયોએ પોતાના ટોકટાઈમ પ્લાનની સાથે 100 જીબી સુધી ફ્રી ડેટા વાઉચર અને 4જી ડેટા વાઉચર્સની સાથે નોન જિયો નેટવર્ક પર 1000 સુધી કોલિંગ મિનિટ્સ આપવાની જાહેરાત કરી હતી.
જિયોના ગ્રાહકો માટે ખરાબ સમાચાર
કંપની હવે નહીં આપે ફ્રી ડેટા
જિયો 4જી ડેટા વાઉચર્સમાં હવે વોઈસ કોલિંગનો ફાયદો નહીં મળે
મુકેશ અંબાણીની આગેવાનીવાળી જિયો અત્યાર સુધી ઓફ-નેટ કોલ્સ પર 10 રૂપિયા સુધી ખર્ચ કરનારા યુઝર્સને 1 જીબી ડેટા આપતી હતી. એટલે કે 1 જીબી ટોકટાઇમ પ્લાન સાથે 100 જીબી ફ્રી ડેટા આપવામાં આવતો હતો. હવે જ્યારે કંપનીએ દરેક નેટવર્ક પર વોઇસ કોલિંગ ફ્રી કરી દીધી છે, તો ફ્રી ડેટા વાઉચરને બંધ કંપનીએ બંધ કરી દીધું છે.
2020ના અંતમાં રિલાયન્સ જિયોએ જાહેરાત કરી કે ઈન્ડસ્ટ્રીમાં ઝીરો આઈયુસી સિસ્ટમ લાગુ થયા પછી જિયો ગ્રાહકો દરેક નેટવર્ક પર ફ્રી વોઇસ કોલ કરી શકશે. તમને જણાવી દઈએ કે ઓફ-નેટ કોલ્સ માટે જિયોએ તેના ટોક ટાઇમ પ્લાન સાથે પ્રતિ મિનિટ 6 પૈસા ચાર્જ વસૂલ કરતો હતો. આ માટે આ પ્લાનમાં યુઝર્સને વધારાનો ડેટા ઓફર કરવામાં આવતો હતો.
જિયો પાસે 10 રૂપિયા, 20 રૂપિયા, 50 રૂપિયા, 100 રૂપિયા, 500 અને 1 હજાર રૂપિયા સુધીની ટોક ટાઇમ પ્લાન છે. તેમાં 100 જીબી સુધીનો મફત ડેટા મળે છે. પરંતુ હવે આ પ્લાન ફ્રી ટોક ટાઇમ સાથે આવે છે. 1000 રૂપિયાના જિયો ટોપ-અપ પ્લાનમાં હવે 844.46 રૂપિયાનું ટોકટાઇમ મળે છે.
4 જી ડેટા વાઉચરમાં કોલિંગ સુવિધા ઉપલબ્ધ રહેશે નહીં
કંપનીએ 11 રૂપિયા, 21 રૂપિયા, 51 રૂપિયા અને 401 રૂપિયાવાળા જિયો 4જી ડેટા વાઉચર્સને પણ રિવાઈઝ કર્યા છે. 11 રૂપિયાના 4 જી ડેટા વાઉચરમાં અત્યાર સુધી, નોન-જિયો નેટવર્ક પર 75 મિનિટ મળતી હતી, જ્યારે 1000 રૂપિયાવાળા પેકમાં 1000 મિનિટ મળતી હતી. વોઇસ કોલિંગ ઉપરાંત, જિયોએ આ ડેટા વાઉચર્સમાં ડબલ ડેટાનો લાભ પણ આપવાનું શરૂ કર્યું હતું. પહેલાં 11 રૂપિયાયમાં 4 જી ડેટા વાઉચર 400 એમબી ડેટા બેનિફિટ સાથે આવતા હતા, પરંતુ હવે તેમાં 800 એમબી ડેટા મળે છે.
નોંધનીય છે કે જિયોએ તેના 4 જી ડેટા વાઉચર્સના ડેટા ફાયદામાં કોઈ ફેરફાર કર્યો નથી. પરંતુ નોન-જિયો કોલિંગ બેનિફિટ હટાવી દીધો છે. એટલે કે આ 4જી ડેટા વાઉચર્સ સાથે વોઇસ કોલિંગ લાભ નથી મળતો.