રિલાયન્સ જિયોના ગ્રાહકો માટે ખરાબ સમાચાર આવ્યા છે. હવેથી જિયોના એન્યુઅલ પ્લાનમાં પહેલાં કરતાં વેલિડિટીમાં ઘટાડો કરવામાં આવ્યો છે. કંપનીએ 1299 રૂપિયાના એન્યુઅલ પ્લાન (365 દિવસ)ની વેલિડિટી ઘટાડીને 336 દિવસ કરી દીધી છે. આ પહેલાં જિયોએ 2020 રૂપિયાના એન્યુઅલ પ્લાનને બંધ કરીને 336 દિવસની વેલિડિટીવાળો 2121 રૂપિયાનો નવો પ્લાન લોન્ચ કર્યો હતો. જિયોના મંથલી પ્લાન 28 દિવસની વેલિડિટી સાથે આવે છે. હવે કંપનીએ 365 દિવસની વેલિડિટીવાળા પ્લાન્સને પણ આ જ ફોર્મ્યૂલા (12 મહિનાx28 દિવસ) માટે ઓફર કરી રહી છે.
રિલાયન્સ જિયોના ગ્રાહકોના ખિસ્સા પર વધ્યો ભાર
હવે એન્યુઅલ પ્લાનની વેલિડિટીમાં કરાયો ઘટાડો
365 દિવસની જગ્યાએ 336 દિવસ વેલિડિટી કરાઈ
1299 રૂપિયાના પ્લાનની વેલિડિટી ઘટી
ડિસેમ્બર 2019માં ટેરિફ મોંઘા થયા બાદ જિયો 365 દિવસના એન્યુઅલ પ્લાન ઓફર કરી રહ્યું હતું. જેમાં 2199 રૂપિયા અને 1299 રૂપિયાના પ્લાન સામેલ હતા. નવા વર્ષની શરૂઆતમાં કંપની 2199 રૂપિયાનો પ્લાન 2020 રૂપિયામાં ઓફર કરી રહી હતી પરંતુ હવે તે બંધ થઈ ગયો છે. તેની જગ્યાએ કંપની 2121 રૂપિયાનો લોન્ગ ટર્મ પ્લાન ઓફર કરી રહી છે. નવી સ્ટ્રેટજી પ્રમાણે કંપનીએ 2121 રૂપિયાવાળા પ્લાનની સાથે 1299 રૂપિયાના લોન્ગ ટર્મ પ્લાનની વેલિડિટી 29 દિવસ ઘટાડી દીધી છે.
બેનિફિટ્સમાં ફેરફાર નથી થયા
1299 રૂપિયાના પ્લાનમાં મળતી સુવિધાઓમાં બદલાવ થયો નથી. તેમાં 24 જીબી ડેટાની સાથે 3600 ફ્રી એસએમએસ, જિયો નેટવર્ક પર ફ્રી કોલિંગ અને અન્ય નેટવર્ક પર 12000 મિનિટ્સ મળે છે. 2121 રૂપિયાના પ્લાનમાં મળતી સુવિધાઓમાં બદલાવ થયો નથી. તેમાં રોજ 1.5 જીબી ડેટાની સાથે 3600 ફ્રી એસએમએસ, જિયો નેટવર્ક પર ફ્રી કોલિંગ અને અન્ય નેટવર્ક પર 12000 મિનિટ્સ મળે છે.
એરટેલ અને વોડાફોન પણ ઘટાડી શકે છે વેલિડિટી
એવું કહેવાય રહ્યું છે કે રિલાયન્સ જિયો પછી એરટેલ અને વોડાફોન પણ તેમના એન્યુઅલ પ્લાન્સની વેલિડિટી ઘટાડી શકે છે. તમને જણાવી દઈએ કે અત્યારે એકટેલ 2398 રૂપિયા અને 1498 રૂપિયા અને વોડાફોન 2399 રૂપિયા અને 1499 રૂપિયાનો 365 દિવસની વેલિડિટીવાળો પ્લાન ઓફર કરી રહ્યાં છે.