Reliance Jioના નવા પ્રીપેડ પ્લાન 6 ડિસેમ્બરથી લાગુ થઈ ગયા છે. અન્ય ઓપરેટર્સની જેમ જ જિયોએ પણ તેના પ્રીપેડ પેકના ટેરિફમાં 40 ટકાનો વધારો કર્યો છે. જેથી હવે ગ્રાહકોને અત્યાર સુધી મળતાં ફાયદા માટે વધારે કિંમત ચૂકવવી પડશે. જોકે, હજી પણ એક એવી રીત છે, જેની મદદથી રિલાયન્સ જિયોના ગ્રાહકો નવા ટેરિફની જગ્યાએ જૂના ઓછી કિંમતના ટેરિફ પ્લાન્સથી રિચાર્જ કરી શકે છે. ચાલો જાણીએ આ ટ્રિક વિશે.
જિયોના ટેરિફ મોંઘા થવા પર નિરાશ થયા ગ્રાહકો
આ 1 ટ્રીકથી જિયોના જૂના પ્રીપેડ પ્લાન કરો એક્ટિવ
ઓછી કિંમતના જૂના પ્રીપેડ પ્લાન કરાશે રિચાર્જ
જિયોના જૂના પ્લાનથી કોણ કરી શકે છે રિચાર્જ
એક રિપોર્ટ મુજબ, જિયોના જૂના પ્લાનથી રિચાર્જ કરવાની સુવિધા અમુક જ ગ્રાહકોને મળે છે. જૂના પ્રીપેડ પેકનો ફાયદો રિલાયન્સ જિયોના એ જ ગ્રાહકોને મળશે, જેમની પાસે હાલ કોઈ એક્ટિવ પ્લાન નથી. ઓછી કિંમતના જૂના પ્રીપેડ પ્લાનથી રિચાર્જ કરવા માટે તમારે રિલાયન્સ જિયોની વેબસાઈટ અથવા એપ પર જવું પડશે. તમે રિલાયન્સ જિયોની એપમાં લોગ ઈન કરીને રિચાર્જના જૂના પ્લાન જોઈ શકો છો.
એટલે કે રિલાયન્સ જિયો તેના ગ્રાહકોને જૂના પ્લાન ફરી લેવાની એક તક આપી રહ્યું છે. જો તમે અગાઉ કોઈ નવા પ્રીપેડ પ્લાનથી રિચાર્જ કરી ચૂક્યા છો તો તમને જૂના પ્લાનની લિસ્ટિંગ નહીં મળે. જૂના પ્લાન માટે તમારે જિયો અકાઉન્ટમાં કોઈ એક્ટિવ રિચાર્જ કરેલું ન હોવું જોઈએ.
કઈ રીતે કરવું જૂના પ્રીપેડ પ્લાનથી રિચાર્જ
ઈનેક્ટિવ અકાઉન્ટવાળા જિયો ગ્રાહકોને મોબાઈલ નંબર અને ઓટીપી દ્વારા લોગ ઈન કરવું પડશે. ત્યારબાદ સેટિંગ સેક્શનમાં જાઓ. અહીં તમને 'Tariff Protection' બટન પર ક્લિક કરવું પડશે. જે બાદ તમને જૂના પ્રીપેડ પ્લાન દેખાશે.