ફેસબુકની સાથે 43,574 કરોડ રૂપિયાની ડીલની જાહેરાત કર્યાના થોડાં જ દિવસો બાગ હવે રિલાયન્સ ઈન્ડસ્ટ્રીએ સોમવારે વધુ એક મોટી જાહેરાત કરી છે. જેમાં તેમણે જણાવ્યું કે, ખાનગી ઈક્વિટી ફર્મ સિલ્વર લેક જિયો પ્લેટફોર્મમાં 1.15 ટકા ભાગીદારી 5,655.75 કરોડ રૂપિયામાં ખરીદશે. આ રોકાણ જિયો પ્લેટફોર્મની 4.90 લાખ કરોડની વેલ્યૂ પર કરવામાં આવશે અને એન્ટરપ્રાઇઝ વેલ્યૂ હવે વધીને 5.15 લાખ કરોડ રૂપિયા થઈ જશે.
રિલાયન્સ જિયોની વધુ એક મોટી જાહેરાત
આ દિગ્ગજ કંપનીએ જિયોમાં કર્યું રોકાણ
હવે જિયો એન્ટરપ્રાઇઝ વેલ્યૂ હવે વધીને 5.15 લાખ કરોડ રૂપિયા થઈ
વિશ્વની સૌથી મોટી સોશિયલ મીડિયા પ્લેટફોર્મ કંપની ફેસબુક દ્વારા તાજેતરમાં જ ભારતની સૌથી મોટી ટેલિકોમ કંપની રિલાયન્સ જિયોમાં 9.99 ટકા ભાગ 43,574 કરોડમાં ખરીદવાની જાહેરાત કરાઈ છે. જાહેર કરાયો છે. સોશિયલ મીડિયા નેટવર્ક સૌથી મોટું હતું. 2014માં વોટ્સએપની 22 બિલિયમ ડોલરની ડીલ બાદ ફેસબુક-જિયોની આ ડીલ સોશિયલ મીડિયા નેટવર્કની સૌથી મોટી ડીલ હતી.
રિલાયન્સ ઈન્ડસ્ટ્રી દ્વારા જારી કરાયેલા એક નિવેદનમાં કહેવામાં આવ્યું છે કે, જિયો પ્લેટફોર્મ્સ પર 4.90 લાખ કરોડ રૂપિયાની ઈક્વિટી વેલ્યૂ અને 5.15 લાખ કરોડનીએન્ટરપ્રાઇઝ વેલ્યૂ છે. આ ડીલ ફેસબુક ડીલની સરખામણીમાં 12.5 ટકા પ્રીમિયમ પર થઈ છે.
સિલ્વર લેકના સહ-સીઈઓ અને મેનેજિંગ પાર્ટનર એગોન ડર્બને આ ડીલ અંગે ખુશી વ્યક્ત કરતાં કહ્યું છે કે, રિલાયન્સ જિયો વિશ્વની શ્રેષ્ઠ કંપનીઓમાંની એક છે. તે મજબૂત મેનેજમેન્ટ અને શ્રેષ્ઠ ટીમ દ્વારા ચલાવવામાં આવી રહી છે. આ કંપની ગ્રાહકો અને નાના ઉદ્યોગોને મોટા પાયે ઓછી કિંમતે ડિજિટલ સેવાઓ પ્રદાન કરે છે. જેથી આ બજારમાં શક્યતાઓ ઘણી વધારે છે.
વર્ષ 2016માં જિયોના લોન્ચિંગ બાદ રિલાયન્સ દેશની એકમાત્ર એવી કંપની તરીકે સામે આવી છે જેણે ઝડપથી ભારતીય બજારમાં અમેરિકન ટેકનિકલ ગ્રુપ સાથે સ્પર્ધા કરવામાં સક્ષમ છે. રિલાયન્સે મોબાઇલ ટેલિકોમથી લઈને હોમ બ્રોડબેન્ડ સુધી દરેકમાં ઈ-કોમર્સનો વિસ્તાર કર્યો છે.