અન્ય ટેલિકોમ કંપનીઓની જેમ જ રિલાયન્સ જિયો પણ તેના ગ્રાહકોના બજેટ અને જરૂરિયાતોનું ધ્યાન રાખી પ્લાન ઓફર કરે છે. ડેટા ઓફર કરવામાં જિયો અન્ય કંપનીઓને કાંટાની ટક્કર આપે છે. રિલાયન્સ જિયોના કેટલાક એવા બજેટ પ્લાન છે જેમાં ગ્રાહકોને વધુ ડેટા મળે છે. તો કેટલાકમાં વેલિડિટી વધુ મળે છે.ચાલો જાણીએ.
જિયો ઓફર કરે છે વધુ ડેટાવાળો પ્લાન
વોડાફોન અને એરટેલને આપે છે ટક્કર
જિયો ગ્રાહકો માટે લાવે છે સસ્તા પ્રીપેડ પ્લાન
જિયોના પ્લાનની શરૂઆત 199 રૂપિયામાં 1.5 જીબી ડેટા રોજથી થાય છે. આ જ પ્રકારની સુવિધાઓ સાથે વોડાફોન અને એરટેલના પ્લાનની કિંમત 249 રૂપિયાથી થાય છે. જિયો અને એરટેલ, વોડાફોનના પ્લાનમાં બહુ મોટું અંતર છે. જિયો તેના નેટવર્ક પર અનલિમિટેડ કોલિંગ ઓફર કરે છે પરંતુ અન્ય નેટવર્ક પર લિમિટેડ મિનિટ્સ આપે છે. જ્યારે વોડાફોન અને એરટેલ કોઈપણ નેટવર્ક પર અનલિમિટેડ કોલિંગ ઓફર કરે છે.
જિયોનો 199 રૂપિયાનો પ્રીપેડ પ્લાન
રિલાયન્સ જિયોનો 1.5 જીબી ડેટાવાળો પ્લાનની કિંમત 199 રૂપિયાથી શરૂ થાય છે. આ પ્લાનમાં 28 દિવસની વેલિડિટી અને કુલ 42 જીબી ડેટા મળે છે. જિયોથી જિયો નેટવર્ક પર અનલિમિટેડ કોલિંગ, અન્ય નેટવર્ક પર કોલિંગ માટે 1000 નોન જિયો મિનિટ્સ અને રોજ 100 એસએમએસ મળે છે.
રિલાયન્સ જિયોનો 399 રૂપિયાનો પ્રીપેડ પ્લાન
આ પ્લાનની વેલિડિટી 56 દિવસની હોય છે અને કુલ 84 જીબી ડેટા મળે છે. પ્લાનમાં જિયોથી જિયો નેટવર્ક પર અનલિમિટેડ કોલિંગ અને અન્ય નેટવર્ક પર કોલિંગ માટે 2000 નોન જિયો મિનિટ્લ મળે છે. આ સિવાય રોજના 100 એસએમએસ મળે છે.
જિયોનો 555 રૂપિયાનો પ્રીપેડ પ્લાન
આ કંપનીનો ઓલ ઈન વન પ્રીપેડ પ્લાન છે. આ પ્લાનની વેલિડિટી 84 દિવસ છે અને કુલ 126 જીબી ડેટા મળે છે. પ્લાનમાં જિયો ટૂ જિયો અનલિમિટેડ કોલિંગ અને અન્ય નેટવર્ક પર 3000 મિનિટ્સ મળે છે. આ સિવાય રોજ 100 એસએમએસ મળે છે.
રિલાયન્સ જિયોનો 2020વાળો પ્રીપેડ પ્લાન
આ કંપનીનો સૌથી મોંઘો પ્રીપેડ પ્લાન છે. જેમાં સૌથી વધુ વેલિડિટી મળે છે. આમાં ગ્રાહકોને 365 દિવસ માટે 547.5 જીબી ડેટા મળે છે. પ્લાનમાં જિયોથી જિયો નેટવર્ક પર અનલિમિટેડ કોલિંગ, અન્ય નેટવર્ક પર કોલિંગ માટે 12,000 મિનિટ્સ અને રોજના 100 એસએમએસ મળે છે. તમને જણાવી દઈએ કે આ તમામ પ્લાનમાં રિલાયન્સ જિયો એપ્સનું સબ્સ્ક્રિપ્શન ફ્રી મળ છે.