બદલાવ / રિલાયન્સ JIOના ગ્રાહકો માટે આવ્યાં ખરાબ સમાચાર, કંપની લઈ શકે છે આ નિર્ણય

જો તમે રિલાયન્સ જિયોના ગ્રાહક છો તો તમને જલ્દીથી ઝટકો લાગવાનો છે. કારણ કે મળતી માહિતી અનુસાર જિયો પોતાના ટેરિફિ પ્લાનની કિંમતમાં વધારો કરવાની તૈયારીમાં છે. એક રિપોર્ટમાં કહેવામાં આવ્યું છે કે રિલાયન્સ જિયો ઇન્ફોકૉમ આ વર્ષમાં ટેરિફની કિંમતો વધારી શકે છે. 

વાસ્તવમાં મામલો એવો છે કે જિયોને ફાયબરની વધારે ટાવર લગાવવામાં ખૂબ ખર્ચ થઇ રહ્યો છે. આ ઉપરાંત ઘણા બધા પ્રોજેક્ટ્સ પર પણ કંપનીનો આશરે 9 હજાર કરોડનો વર્ષનો ખર્ચ થઇ રહ્યો છે. એવામાં કંપની પોતાની સેવાઓની કિંમત વધારવાનો નિર્ણય લઇ શેક છે. ઇન્વેસ્ટમેન્ટ બેંક જેપી મૉર્ગનના રિપોર્ટ અનુસાર જાપાનની સૉફ્ટબેંક જિયોમાં 14 21 હજાર કરોડ રોકાણ કરી શકે છે. 

નોંધનીય છે કે વોડાફોન આઇડિયા અને એરટેલ જેવી કંપનીઓ બચત જમા કરવા માટે યોજનાઓ બનાવી રહી છે. એવામાં જિયોએ પણ પોતાનું પ્લાનિંગ કરવું પડશે. કહેવામાં આવી રહ્યું છે કે વોડાફોન આઇડિયા અને એરટેલ રાઇટ ઇશ્યૂથી આશરે 20 25 હજાર કરોજ એકત્રિત કરવામાં લાગેલી છે. 

જણાવી દઇએ કે તાજેતરમાં એક રિપોર્ટ સામે આવ્યો હતો કે જિયો માત્ર 600 રૂપિયામાં જિયો ગીગાફાયબર લૉન્ચ કરશે. આ કિંમત પર ગ્રાહકોને બ્રોડબેન્ડ, લેન્ડલાઇન અને ટીવીની સુવિધા મળશે. આ પ્લાન હેઠળ ગ્રાહકોને અનલિમિટેડ કોલિંગ પણ મળશે.