ખુશખબર / JIOના ગ્રાહકો માટે શાનદાર ઓફર, મળી રહ્યો છે 100 GB ડેટા

• અન્ય નેટવર્ક પર કોલ કરવા પર 6 પૈસા ચાર્જ 
• 10 રૂપિયાના વાઉચર પર 1 GB ડેટા આપવામાં આવશે 

રિલાયન્સ જીયો ચાર્જ વસુલ કરતી એકમાત્ર કંપની 

Reliance Jio અન્ય નેટવર્ક પર કોલ કરવા પર ચાર્જ વસુલ કરતી એક માત્ર કંપની છે. આ હેઠળ જીયોના અનલિમિટેડ પ્લાનનું રીચાર્જ કરાવવા પર કોઈ અન્ય નેટવર્ક પર કોલ કરવા પર વધારાનો ચાર્જ વસુલ કરવામાં આવે છે. જીયોથી  નોન-જીયો કોલિંગ કરવા પર ગ્રાહકોને 6 પૈસા પ્રતિ મિનીટનો ચાર્જ ભરવો પડે છે. આવા ગ્રાહકો માટે કંપની ટોપ-અપ વાઉચર ઓફર કરે છે. હવે આ 6 પૈસાનાં ચાર્જના બદલામાં કંપની 100 GB ડેટા આપી રહી છે. 

હવે કંપની દ્વારા આ ચાર્જની સામે ફ્રી ડેટા આપવામાં આવી રહ્યા છે. જો 10 રૂપિયાનું વાઉચર લેવામાં આવે તો તેમાં 1 GB ડેટા અને 1000 રૂપિયાનું વાઉચર લેવામાં આવે તો તેમાં 100 GB ડેટા આપવામાં આવશે.

1000ના વાઉચરમાં 844.46 રૂપિયાનું વળતર અને ડેટા પણ આપવામાં આવશે

રિલાયન્સ જીયો કંપની પાસે 6 ટોપ-અપ વાઉચર છે. જેમાં 10થી શરુ કરીને 1000 રૂપિયા સુધીના વાઉચરનો સમાવેશ થાય છે. આ વાઉચરમાં જો 10 રૂપિયાનું વાઉચર લેવામાં આવે તો તેમાં 7.47 રૂપિયા, 20નાં વાઉચરમાં 14.95 રૂપિયા, 50ના વાઉચરમાં 39.37 રૂપિયા, 100ના વાઉચરમાં 81.75 રૂપિયા અને 1000ના વાઉચરમાં 844.46 રૂપિયાનું વળતર આપવામાં આવે છે. કંપની હવે આ વાઉચરની સાથે ફ્રી ડેટા પણ પ્રદાન કરી રહી છે.