રિલાયન્સ જિયો ગીગાફાઇબરને લઇને મોટી જાણકારી સામે આવી છે. એક રિપોર્ટ અનુસાર, જિયો ગીગાફાઇબર 600 રૂપિયા મહિનામાં યૂઝર્સને બ્રોડબેન્ડ, લેન્ડલાઇન અને ટીવીની કોમ્બો સર્વિસ આપશે. કંપની જિયો ગીગાફાઇબરનું લાંબા સમયથી ટેસ્ટિંગ કરી રહી છે અને હવે માનવામાં આવી રહ્યુ છે કે, તેના કોમર્શિયલ યૂઝ માટે રોલઆઉટ કરી દેવાઇ છે.
જિયો ગીગાફાઇબરની સર્વિસ હાલ મુંબઇ, દિલ્હી NCR, અમદાવાદ, જામનગર, સુરત, વડોદરામાં કેટલાક યૂઝર્સને અપાઇ રહી છે અને જલ્દી જ સમગ્ર દેશભારમાં તે ઉપલબ્ધ કરી દેવામાં આવશે. 600 રૂપિયાના પ્લાન ઉપરાંત યુઝર્સ 1000 રૂપિયા આપીને કેટલીક એડિશનલ સર્વિસનો ઉપયોગ કરી શકશે. આ સાથે યૂઝર્સ જિયો ગીગાફાઇબરનો સ્માર્ટ હોમ નેરવર્કથી પોતાના 40 ડિવાઇસને પણ કનેક્ટ કરી શકશે.
આ સમયે રિલાયન્સ જિયો નવી દિલ્હી અને મુંબઈમાં પોતાના ગીગાફાઈબરનુ પાઇલટ ટેસ્ટિંગ કરી રહ્યુ છે. ટેસ્ટિંગ દરમિયાન આ યૂઝર્સને ફ્રીમાં 100GB ડેટા અને 100Mbpsની સ્પીડથી ઉપલબ્ધ કરાવાઇ રહ્યો છે. જોકે યૂઝર્સથી રાઉટર માટે 4500 રૂપિયાની સિક્યોરિટી ડિપોઝિટ લેવાઇ રહી છે.
કંપની જિયો ગીગાફાઈરબર દ્વારા યુઝર્સને ટેલિફોન અને ટીવી સર્વિસ પણ ઉપલબ્ધ કરાવની છે. કહેવાઈ રહ્યું છે કે આ સેવાને આવનારા ત્રણ મહિનામાં લોન્ચ કરી દેવામાં આવશે. કોમર્શિયલ લોન્ચ પછી જિયોની આ બ્રોડબેન્ડ, ટેલિફોન અને ટેલિવિઝન સેવા 1 વર્ષ માટે ફ્રી હશે. જણાવી દઇએ કે, સર્વિસ સાથે યુઝર્સને લેન્ડલાઈન માટે અનલિમિટેડ કોલિંગ મળશે. સાથે જ ટીવી ચેનલોને યુઝર્સ સુધી ઈન્ટરનેટ પ્રોટોકોલ ટેલિવિઝન દ્વારા ઉપબબ્ધ કરાવાશે.
100Mbpsની સ્પીડ સાથે જિયો ગીગાફાઈબરની મદદથી યુઝર્સ પોતાના ઘર અને ઓફિસમાં લાગેલા સીસીટીવે ફૂટેજ સાથે અન્ય ડેટા પણ ક્લાઉટ સ્ટોર કરી શકશે અને તેને કોઇપણ ડિવાઇસથી ક્યાંય પણ એક્સેસ કરી શકાશે.