ઑફર / 5 સપ્ટેમ્બરના લોન્ચ થશે Jio GigaFiber , આવી રીતે બદલાઇ જશે તમારા ઘરની સાથે જિંદગી

કંપનીના ચેરમેન અને મેનેજિંગ ડિરેક્ટર મુકેશ અંબાણીએ રિલાયન્સ ઇન્ડસ્ટ્રીઝની એન્યુઅલ જનરલ મીટિંગમાં કહ્યુ કે, Jio GigaFiber 5 સપ્ટેમ્બરથી મળશે. Jio GigaFiber યૂઝર્સને હાઇ-સ્પીડ ઇન્ટરનેટની સાથે ઘણી અને એડવાન્સ સર્વિસ આપવામાં આવશે.. જાણો શું છે Jio GigaFiber વિશે...  

જાણો શું છે Jio GigaFiber :

Jio GigaFiber  અંતર્ગત દેશભરના નાના-મોટા 1100 શહેરોનો જોડવામાં આવશે. આ બ્રોડબેંડ સર્વિસ હેઠળ રાઉટર, સેટઅપ બોક્સ અને સ્માર્ટ હોમ સોલ્યુશનની સુવિધા મળશે. બ્રોડબેંડ સર્વિસ ઇન્સ્ટોલ માત્ર 1 કલાકમાં થઇ જશે. આ પછી તમારું ઘર હાઇટેક અને સ્માર્ટ થઇ જશે.  Jio GigaFiber ની મદદથી આખા ઘરને કંટ્રોલ કરી શકાશે. Jio Giga TVની દ્વારા યૂઝર્સને વીડિયો કોલિંગની સુવિધા પણ મળશે. કંપનીના દાવા અનુસાર,   Jio Giga TV પર દુનિયાનુ સૌથી બેસ્ટ એજ્યુકેશન મળશે. આ ઉપરાંત તમે વર્ચ્યુલ રિયાલિટી ગેમિંગ, ડિઝીટલ શોપિંગ જેવી સુવિધાની મજા પણ માણી શકશે.

કેટલા ઘરોમાં પહોંચશે Jio GigaFiber :

ચેરમેન અને મેનેજિંગ ડિરેક્ટર મુકેશ અંબાણીએ જણાવ્યુ કે,  Jio GigaFiber 15 મિલિયન એટલે કે 1.5 કરોડ લોકોએ રજિસ્ટ્રેશન કરાવ્યુ છે.  Jio GigaFiberનો ટાર્ગેટ 2 કરોડ ઘરો અને 1.5 કરોડ બિઝનેસ કંપની સુધી પહોંચાડવાનો છે. હાલમાં 5 લાખ ઘરોમાં તેનું  ટેસ્ટિંગ થઈ રહ્યું છે, જે ભારતનો સૌથી મોટો બીટા પ્રોગ્રામ છે. એજીએમ દરમિયાન અંબાણીએ જણાવ્યું કે કંપની 4G જેથી ઝડપથી 4G પ્લસ પર સ્વિચ કરનારી છે.

Jio GigaFiber ની સ્પીડ:

 Jio GigaFiberમાં સસ્તા પ્લાનમાં 100Mbpsની સ્પીડ મળશે અને તેના પ્રીમિયમ પ્લાનને સબસ્ક્રાઇબ કરનારા યૂઝર્સને 1Gbpsની સ્પીડ મળશે.  Jio GigaFiber ના પ્લાનની કિંમત 700 રૂપિયાથી લઈને 10,000 રૂપિયા પ્રતિ મહીને હશે. Jio GigaFiber યૂઝર્સ ડેટા કે વોઈસ બેમાંથી કોઈ એકમાં જ પૈસા ખર્ચ કરશે. એટલે કે એક પર એક ફ્રી છે. આ સિવાય Jio GigaFiber ના યૂઝર્સને અમેરિકા અને કેનેડામાં 500 રૂપિયા મહિનાના પ્લાનથી અનલિમિટેડ કોલિંગ કરી શકશે.Jio GigaFiberની સુવિધા ગ્રાહકોને 5 સપ્ટેમ્બરથી મળશે.

મળશે આ સુવિધા:

Reliance Jioના GigaFiber માં વાર્ષિક પેકેજ લેનારા યૂઝર્સને HD/4K LED ટેલિવિઝન સેટ અને 4K સેટઅપ બોક્સ ફ્રીમાં આપશે. આ સિવાય Jio GigaFiber અંતર્ગત યૂઝર્સને લેન્ડલાઈન ફોનની સુવિધાની સાથે, અલ્ટ્રા હાઈ ડેફિનેશન એન્ટરટેન્ટમેન્ટ કન્ટેન્ટ, વર્ચ્યુઅલ રિયલિટી કન્ટેન્ટ, વીડિયો કોન્ફોરન્સિંગ, વોઈસ કોલિંગ, ઈન્ટરેક્ટિવ ગેમિંગ, હોમ સિક્યોરિટી અને સ્માર્ટ હોમ સોલ્યુશન્સ મળશે. 

- આ સિવાય મુકેશ અંબાણીએ જણાવ્યુ કે, Jio GigaFiber પર નવી ફિલ્મો રિલીઝ થશે, એટલે કે યૂઝરને ફર્સ્ટ ડે, ફર્સ્ટ શો ઘરે બેસીને જોઇ શકશે. જોકે આ સુવિધા 2020ની વચ્ચે શરૂ થશે. સાથે જ 5Gના લોન્ચિંગ બાદ Jioના ઓછી કિંમતના 5G પર સ્વીચ કરી શકાશે.

- Jio GigaFiber માં ઘણા પ્રીમિયમ OTT એપ્લિકેશનનું સબ્સ્ક્રિપ્શન મળશે, જેનો મતલબ સ્પષ્ટ છે કે, નેટફ્લિક્સ અને એમેઝોન પ્રાઇમની સર્વિસ માટે અલગથી રૂપિયા નહી આપવા પડે.