ડેટા / જિયો VS એરટેલ બ્રોડબેન્ડ: જાણો કોણો પ્લાન છે બેસ્ટ

Jio Gigafiberની ભારતના અનેક શહોરોમાં ટેસ્ટિંગ ચાલી રહ્યુ છે. દેશના કેટલાક પસંદ કરવામાં આવેલ શહેરોના ગ્રાહક તેની સેવાનો લાભ લઇ રહ્યા છે. જિયો આ સર્વિસને પ્રીવ્યૂ સર્વિસ નામથી ઉપલબ્ધ કરાવી રહ્યુ છે. જિયોના દાવો છે કે આ સેવા એકવખત પૂર્ણરૂપે શરૂ થયા પછી યૂઝર્સને 1GBPSની સ્પીડ મળશે. જિયોની આ તૈયારીને જોઇને તેની મુખ્ય હરીફ કંપની એરટેલે પણ કમર કસી છે અને બ્રોડબેન્ડ પ્લાનમાં મોટા ફેરફાર કર્યા છે.

આગામી સમયમાં આ બંને કંપની વચ્ચે બ્રોડબેન્ડ સેવા માટે પણ તીવ્ર હરિફાઇ લાગશે. ત્યારે આવો જોઇએ કે યૂઝર્સને કંઇ કંપની વધુ ઑફર આપી રહી છે. તેમજ કંઇ કંપની સ્પીડ, કિંમત અને મળતા ડેટાની દ્રષ્ટિ બેસ્ટ છે.

સ્પીડ:

રિલાયન્સ જિયો હાઈ સ્પીડ ઇન્ટરનેટ માટે FTTH કનેક્ટિવિટી પર કામ કરી રહ્યુ છે. સ્પીડની જ્યાં સુધી વાત છે ત્યાં જિયો 5Ghz વાઈફાઈ નેટવર્ક અને ઈથરનેટ પર 100 Mbps સ્પીડ આપવાનો દાવો કરે છે. આ સાથે જ જૂના 2.4Ghz વાયરલેસ નેટવર્ક પર આ સ્પીડ 50Mbpsની છે. રિપોર્ટ્સનું માનીએ તો હાલ પ્રીવ્યૂ ઑફરમાં આ સ્પીડ મળી રહી છે. ત્યારે જિયો કોમર્શિયલ બેઝ્ડ પર જ્યારે પોતાની સેવા લોન્ચ કરશે ત્યારે યૂઝર્સને 100Mbpsની સ્પીડ મળશે. 

જ્યારે એરટેલની વાત કરીએ તો સૌથી પ્રીમિયમ પ્લાનમાં 300Mbps ની સ્પીડ આપવાનો વાયદો કરે છે. જ્યારે એરટેલનો સૌથી ઓછી ઝડપનો પ્લાન 8Mbpsનો છે. એરટલ 40Mbps અને 100Mbpsના પ્લાન પણ ઓફર કરી રહી છે. જોકે આ તમામ પ્લાન કેટલાક મહાનગરો માટે જ છે. જ્યારે મોટાભાગના વિસ્તામાં એરટેલ વધુમાં વધુ 20Mbpsની સ્પીડ આપી રહ્યુ છે.

ડેટા:

એરટેલ પાસે કેટલાક પ્લાનને છોડીને બાકીના બધા FUP લિમિટવાળા પ્લાન છે. જે લિમિટ 150GB-1200GB સુધી હોઇ શકે છે. આ પ્લાનમાં FUP લિમિટ પૂર્ણ થયા બાદ ઇન્ટરનેટ સ્પીડ ઓછી થઈ જાય છે. 

જ્યારે જિયો પ્રીવ્યુ ઓફરમાં યુઝર્સને FUP લિમિટવાળો એક પ્લાન ઑફર કરવામાં આવે છે. જેમાં કેટલાક સિલેક્ટેડ યૂઝર્સને 90 દિવસ સુધી ફ્રી જિયો ગીગાફાઇબર પ્લાનમાં આપવામાં આવે છે. જ્યારે પ્રીવ્યુ ઓફરમાં યુઝર્સને 100GB FUP કેપિંગ સાથે 100Mbpsની સ્પીડ મળે છે. યુઝર્સ તેના બાદ ફ્રી ઓફ કોસ્ટ બુસ્ટર દ્વારા તેને રિચાર્જ કરી શકે છે. આ રિચાર્જમાં યૂઝર ડેઇલી યૂઝ માટે 40GB ડેટા મળે છે. 

કિંમત:

કિંમતની જ્યાં સુધીમાં વાત કરવામાં આવેલ રિલાયન્સ Jio GigaFiber એરટેલના પ્લાન કરતા સસ્તું છે. કેમ કે હાલમાં તે પૂર્ણરુપે ફ્રી છે. હાલ કંપની યૂઝર્સને ફ્રી ઑફ કોસ્ટ પ્લાન ઑફર કરી રહી છે. જોકે યૂઝર્સ કનેક્શન માટે રાઉટર માટે પેમેન્ટ કરવુ પડે છે. જિયો ગીગાફાઈબરના રાઉટરની કિંમત રુ.4500 રુપિયા છે. કંપનીનું આ રાઉટર ભવિષ્યમાં જિયો દ્વારા આપવામાં આવનાર 1Gbpsની સ્પીડને પણ સપોર્ટ કરશે. 

બીજી તરફ એરટેલના માસિક ભાડાવાળા પ્લાન છે. એરટેલ પોતાના યુઝર્સને રુ.499થઈ લઈને રુ.2100ના પ્લાન ઓફર કર છે. જેમાં GST ટેક્સ જોડાતા યૂઝર્સને થોડા વધારે રૂપિયા ચૂકવવા પડે છે.