પ્લાન / Jio Fiber પ્રિવ્યૂ ઑફર, જાણો કેવી રીતે કરી શકશો રજિસ્ટ્રેશન

Reliance Jio Fiber બ્રોડબેન્ડ યૂઝર્સમાં એવી જ રીતે હડકંપ મચાવશે જેવો Jio Sim એ મોબાઇલ ફોન યૂઝરની સાથે કર્યું છે. Reliance Industries Limited ની AGM માં કંપનીએ  JioFiber ના કોમર્શિયલ લૉન્ચની જાહેરાત કરી દીધી હતી. 

જો કે પ્લાન માટે તમામ જાણકારીઓ 5 સપ્ટેમ્બરે મળશે. કારણ કે આ દિવસે કંપની એક સાથે 1600 શહેરોમાં એની શરૂઆત કરશે. ઘણી જગ્યાઓ પર JioFiber નું ટેસ્ટિંગ લગભગ એક વર્ષથી થઇ રહી છે અને આ તમામ યૂઝર્સ માટે તૈયાર છે. 

જો તમને યાદ હોય તો જિયો સિમ આવ્યા બાદ રિલાયન્સ ડિજીટલ સ્ટોર પર લાંબી લાઇન લાગવાની શરૂ થઇ. દેશભરમાં લોકોએ સ્ટોર પર ખૂબ જ મહેનત કર્યા બાદ સિમ પ્રાપ્ત કર્યું. પરંતુ બ્રોડબેન્ડ માટે લાઇનમાં ઊભા રહેવાની જરૂર નથી. 

કંપનીની વેબસાઇટ પર ખૂબ સમયથી એના માટે રજિસ્ટર કરવાનો વિકલ્પ છે. તમે અહીંયા નામ, ઇમેલ આઇડી અને એડ્રેસ દાખલ કરીને રજિસ્ટર કરી શકો છો. આગળની પ્રોસેસ 5 સપ્ટેમ્બરે જાહેરાત થશે. પ્લાનની શરૂઆત 700 રૂપિયાથી શરૂ થશે. 

પ્લાનને બે કેટેગરીમાં વહેંચવામાં આવી શકે છે. પહેલો માત્ર ઇન્ટરનેટનો પ્લાન અને બીજો બંડલ પ્લાન, બંડલ પ્લાનમાં Jio TV ના પ્લાન હશે અને સાથે જ અન્ય કેટલીક સર્વિસ પણ આપવામાં આવશે. સૌથી મોંઘા મંથલી પ્લાન 10000 રૂપિયાનો હશે જે હેઠળ ઇન્ટરનેટની સાથે ટીવીના પણ પ્લાન મળશે. 

Reliance Jio Fiber હેઠળ પણ મહિના માટે કસ્ટમર્સને ફ્રી ઇન્ટરનેટ મળશે. પરંતુ એના માટે ઘણી શરતો છે. તમને ઘરે ડિવાઇસ ઇન્સ્ટોલ કરાવવો પડશે અને એના માટે તમને રિફન્ડેબલ સિક્યોરિટી ડિપોઝીટ કરવાની છે. 

પ્રિવ્યૂ ઓફરમાં 1000Mbps સ્પીડની સાથે બ્રોડબેન્ડ મળશે, પરંતુ 40gb નો ક્વોટા હશે. 40gb ડેટા ખતમ થયા બાદ તમારે ટૉપ અપ કરવું પડશે. તમને જણાવી દઇએ કે પ્રિવ્યૂ ઓફર હેઠળ 1GBPSની સ્પીડ મળશે નહીં. એના માટે તમારે પૈસા આપવા પડશે અને સમગ્ર પ્લાન લેવો પડશે. કંપનીએ કહ્યું છે કે કનેક્શન લેવા પર લેન્ડલાઇન ફ્રી આપવામાં આવશે. 

Reliance Jio Fiber આવ્યા બાદ એરટેલ અને બીએસએનએલ જેવી કંપનીઓ પણ નવા બ્રોડબેન્ડ પ્લાન લઇને આવશે.