આનંદો / Airtelને ટક્કર આપવા જિયો ફરી લાવ્યો આ 2 પોપ્યુલર પ્લાન, ગ્રાહકોને થશે ફાયદો

• જિયોના ગ્રાહકો માટે સારાં સમાચાર
• જિયો ફરી તેના 2 પોપ્યુલર પ્લાન શરૂ કરશે
• એરટેલને ટક્કર આપવા શરૂ કર્યા આ પ્લાન

રિલાયન્સ જિયોની વાત કરીએ તો જિયોએ પણ હવે અન્ય નેટવર્ક પર કોલિંગ કરી શકાય તે માટે એક્સ્ટ્રા પેક્સ લોન્ચ કર્યા છે. હવે જિયોએ એરટેલને ટક્કર આપવા માટે તેના બે પોપ્યુલર પ્લન પાછા લાવવાનો નિર્ણય લીધો છે. 

જિયોએ આ પ્લાન હટાવી દીધા હતા

રિલાયન્સ જિયોના 2 પ્લાન 149 અને 98 રૂપિયાના છે અને હવે તેને ફરી ઉપલબ્ધ કરાવવામાં આવશે. તમને જણાવી દઈએ કે 6 ડિસેમ્બરથી નવા પ્લાન લાગૂ થયા બાદ જિયોએ આ પ્લાન હટાવી દીધા હતા, જોકે, આ પ્લાનમાં પહેલાં કરતા ઓછી વેલિડિટી અને ઓછો ડેટા મળશે. 

149 રૂપિયાના પ્લાનમાં શું હશે

149 રૂપિયાના નવા પ્લાનમાં 24 દિવસની વેલિડિટી મળશે અને રોજ યુઝર્સને 1 જીબી ડેટા મળશે. જો તારે રોજ 1.5 જીબી ડેટા જોઈએ તો તેના માટે તમારે 199 રૂપિયાનો પ્લાન લેવો પડશે. 149 રૂપિયાના પ્લાનમાં જિયોથી જિયો કોલિંગ અનલિમિટેડ છે પરંતુ જિયોથી અન્ય નેટવર્ક પર કોલિંગ માટે કંપની 300 મિનિટ આપશે. 300 મિનિટ યુઝ થયા ગયા બાદ તમારે IUC પેક રિચાર્જ કરાવવો પડશે. જે હેઠળ તમારે અન્ય નેટવર્ક પર કોલિંગ બદલ 6 પૈસા પ્રતિ મિનિટ આપવા પડશે. આ પ્લાનમાં ગ્રાહકોને 100 એસએમએસ પણ મળશે. 

98 રૂપિયાના પ્લાનમાં શું મળશે

98 રૂપિયાના પ્લાનમાં 29 દિવસની વેલિડિટી અને 2 જીબી ડેટા મળશે. આ ડેટા 1 મહિના માટે છે. જિયોથી જિયો કોલિંગ ફ્રી છે, જ્યારે અન્ય નેટવર્ક પર કોલિંગ માટે તમારે 6 પૈસા પ્રતિ મિનિટ ચૂકવવા પડશે.