સફળતા / Jioએ આ 2 ટેલિકોમ કંપનીઓને આપી માત, માર્ચમાં મેળવ્યા સૌથી વધારે ગ્રાહકો

• Jioએ આ 2 ટેલિકોમ કંપનીઓને આપી માત
• માર્ચમાં મેળવ્યા સૌથી વધારે ગ્રાહકો
• ગ્રાહકોની સંખ્યા વધારીને લગભગ 42.29 કરોડની કરી

દેશની સૌથી મોટી દૂર સંચાર કંપની રિલાયન્સ જિયોએ મોબાઈલ ઉપયોગકર્તાની સંખ્યા માર્ચમાં વધારીને 79 લાખથી વધુ કરી છે. આ બંને પ્રમુખ કંપનીઓ ભારતી એરટેલ અને વોડાફોન આઈડિયાના સંયુક્ત રીતે વધેલા ગ્રાહકોની સંખ્યાથી પણ વધારે છે. 

જાણો કઈ કંપનીના છે કેટલા ગ્રાહકો
ભારતીય દૂરસંચાર નિયામક પ્રાધિકરણ   (TRAI)ના આંકડા અનુસાર  ભારતી એરટેલે માર્ચામાં ગયા મહિનાની સરખામણીએ 40.5 લાખ નવા ગ્રાહકો જોડ્યા હતા તો અન્ય તરફ વોડાફોન આઈડિયાના ગ્રાહકોની સંખ્યા 10.8 લાખ વધી હતી. રિલાયન્સ જિયોના 79.19 લાખ નવા ગ્રાહકોની સાથે મોબાઈલ ફોન ગ્રાહકોની સંખ્યા વધીને   42.29 કરોડ પહોંચી છે. 

ફેબ્રુઆરીમાં પણ ટોપ પર રહી જિયો કંપની
મુકેશ અંબાણીની કંપની જિયો ફેબ્રુઆરીમાં પણ 42 લાખથી વધારે ગ્રાહકો સાથે સૌથી આગળ રહી હતી. એરટેલના ઉપયોગ કર્તાની સંખ્યા માર્ચ 2021માં વધીને 35.23 કરોડ થઈ તો વોડાફોન આઈડિયાના ગ્રાહકોની સંખ્યા આ મહિને 10.8 લાખ વધીને 28.37 કરોડની થઈ હતી.  

મહિને કેટલી વધી ગ્રાહકોની સંખ્યા
ભારતીય દૂરસંચાર નિયામક પ્રાધિકરણ   (TRAI)ના આંકડા અનુસાર ગ્રાહકોના માસિક આંકડા કહે છે કે દેશમાં માર્ચમાં 2021માં ટેલિફોન ગ્રાહકોની કુલ સંખ્યા માસિક આધાર પર 1.12 ટકા વધીને 120.1 કરોડની થઈ છે. એક નિવેદનમાં કહેવાયું છે કે શહેર અને ગ્રામીણ ટેલિફોન ગ્રાહકોની સંખ્યામાં માર્ચ 2021માં માસિક આધાર પર ક્રમશઃ 0.92 ટકા અને 1.37 ટકાનો વધારો થયો છે.  

બ્રોડબેન્ડના ગ્રાહકોની સંખ્યા પહોંચી 77.8 કરોડ 
માર્ચમાં વાયરલેસ કે મોબાઈલ ફોનના ગ્રાહકોની સંખ્યા વધીને 118 કરોડ થઈ છે, મોબાઈલ ફોન કે વાયરસલેસના વિસ્તારમાં ખાનગી કંપનીના બજારની ભાગીદારી 31 માર્ચની સ્થિતિ અનુસાર 89.6 ટકા રહી છે. જ્યારે બીએસએનએલ અને એમટીએનએલની ભાગીદારી 10.32 ટકા હતી. નિયામકના અનુસાર 421 પરિચાલકોનના રિપોર્ટ અનુસાર દેશમાં બ્રોડબેન્ડના ગ્રાહકોની સંખ્યા માર્ચમાં વધીને 77.8 કરોડ પહોંચી છે.  

24 જૂને 5G પ્રોડક્ટને લોન્ચ કરવા જઈ રહી છે જિયો
આપને જણાવી દઈએ કે રિલાયન્સ જિયો કંપની 24 જૂને પોતાના એન્યુઅલ જનરલ બેઠકનું આયોજન કરી રહી છે અને તેમાં 5G સંબંધિત અનેક જાહેરાત કરશે. જેમાં  Jio-Google 5G સ્માર્ટફોન, Jio લેપટોપ, Jio 5G રોલઆઉટ ટાઈમલાઈન અને અનન્ય ચીજોની જાહેરાત થઈ શકે છે. આ ઈવેન્ટ ઓનલાઈન કરાશે અને રિલાયન્સના યૂટ્યૂબ ચેનલની સાથે ફેસબુક અને ટ્વિટર પર પણ લાઈવ જોઈ શકાશે.