બીએસએનએલ સિવાય, દેશની તમામ અગ્રણી ટેલિકોમ કંપનીઓએ ડિસેમ્બરમાં તેમના પ્રીપેડ પ્લાનની કિંમતમાં વધારો કર્યો હતો. આવી સ્થિતિમાં એક સામાન્ય યુઝરને પ્લાન સિલેક્ટ કરવામાં પરેશાની થઈ રહી છે. રિલાયન્સ જિયોના યુઝર્સને પણ આ જ તકલીફ પડી રહી છે. જિયોએ પણ તેના પ્લાન મોંઘા કરી દીધા છે. જોકે, તે અન્ય કંપનીઓ કરતાં તેના પ્લાન 25 ટકા સસ્તા હોવાના દાવા કરે છે. એવામાં જો તમને 200 રૂપિયાથી પણ ઓછી કિંમતમાં બેસ્ટ પ્લાન અને વધુ ડેટા મળી જાય તો. ચાલો જાણી રિલાયન્સ જિયોના આ પ્લાન વિશે,
રિલાયન્સ જિયોનો બેસ્ટ પ્લાન
200 રૂપિયામાં મળશે વધુ ડેટા
અન્ય કંપનીઓ કરતા જિયોના પ્લાન સસ્તા
રિલાયન્સ જિયોનો 199 રૂપિયાનો પ્લાન
200 રૂપિયાથી ઓછી કિંમતનો સૌથી વધુ ડેટા આપનાર પ્રીપેડ પ્લાન 199 રૂપિયાવાળો છે. આ પ્લાનની વેલિ઼ડિટી 28 દિવસની છે. જેમાં જિયોના ગ્રાહકોને રોજ 1.5 જીબી ડેટા સહિત રોજના 100 એસએમએસ પણ મળે છે. આમાં જિયો ટૂ જિયો અનલિમિડેટ કોલિંગ, જ્યારે અન્ય નેટવર્ક પર કોલ કરવા માટે 1000 નોન-જિયો મિનિટ મળે છે. આ સિવાય જિયો એપનું સબસ્ક્રિપ્શન ફ્રીમાં મળે છે. નોન જિયો મિનિટ ખતમ થવા પર ગ્રાહકોને 6 પૈસા પ્રતિ મિનિટ ચૂકવવા પડે છે.
અન્ય કંપનીઓના પ્લાન
આ પ્લાન ખાસ કરીને એવા ગ્રાહકો માટે છે જે કોલિંગથી વધુ ડેટાનો ઉપયોગ કરે છે. એરટેલ અને વોડાફોન જેવી કંપનીઓ રિલાયન્સ જિયોના 199 રૂપિયાવાળા પ્લાનની સુવિધા 250 રૂપિયાના પ્લાનમાં આપે છે. જોકે, એરટેલ અને વોડાફોનમાં કોલિંગ અનલિમિટેડ મળે છે.