ભારતમાં ઈન્ટરનેટના રેટ સસ્તા થઈ ગયા છે. એવામાં રિલાયન્સ જિયો, એરટેલ અને વોડાફોન ગ્રાહકોને આકર્ષિત કરવા માટે વધુને વધુ બેનિફિટ્સ આપતા પ્લાન્સ લઈને આવે છે. આ કંપનીઓ યુઝર્સને ઓછી કિંમતમાં વધુ ડેટાની સાથે અન્ય સુવિધા પણ આપે છે. આ ત્રણેય કંપનીઓ કયા સસ્તા પ્લાન ઓફર કરે છે. ચાલો જાણીએ.
જિયો, એરટેલ અને વોડાફોન ગ્રાહકોને આકર્ષિત કરવા લાવે છે સસ્તા પ્લાન
માત્ર 149 રૂપિયામાં આ કંપનીઓ આપે છે આ ફાયદા
આ સસ્તા પેકમાં મેળવો વધુ બેનિફિટ્સ
એરટેલના રિચાર્જ પ્લાન
એરટેલ 149 રૂપિયા, 179 રૂપિયા અને 298 રૂપિયાવાળા સસ્તા પ્લાન ઓફર કરે છે. આ ત્રણેય પ્લાનની વેલિડિટી 28 દિવસની છે અને ત્રણેયમાં અનલિમિટેડ કોલિંગ અને રોજ 100 એસએમએસ પણ મળે છે. સાથે જ એરટેલ એક્સટ્રીમ પ્રીમિયમ અને ફ્રી હેલોટ્યૂન્સની સુવિધા પણ મળે છે.
વોડાફોનના પ્લાન
વોડાફોન 299 રૂપિયા, 449 રૂપિયા અને 699 રૂપિયામાં રોજ 2 જીબીવાળા પ્લાન ઓફર કરે છે. જોકે, હાલ કંપનીની ડબલ ડેટા ઓફર કરી રહી છે જેમાં રોજ 4 જીબી ડેટા મળે છે. આ ત્રણેય પ્લાનમાં અનલિમિટેડ કોલિંગ અને રોજ 100 ફ્રી એસએમએસ મળે છે. સાથે જ વોડાફોન પ્લે અને ઝી5નું સબસ્ક્રિપ્શન ફ્રી મળે છે. 299 રૂપિયાના પ્લાનમાં 28 દિવસ વેલિડિટી, 449 રૂપિયામાં 56 દિવસ વેલિડિટી અને 699 રૂપિયામાં 84 દિવસની વેલિડિટી મળે છે.
જિયોના પ્લાન
જિયો 249 રૂપિયા, 444 રૂપિયા અને 599 રૂપિયામાં રોજ 2 જીબીવાળા પ્લાન ઓફર કરે છે. આ ત્રણેય પ્લાનમાં જિયો ટૂ જિયો અનલિમિટેડ કોલિંગ અને રોજ 100 ફ્રી એસએમએસ મળે છે. સાથે જ ડિઝની હોટસ્ટારનું ફ્રી સબસ્ક્રિપ્શન મળે છે. 249 રૂપિયાના પ્લાનમાં 1000 એફયુપી મિનિટ્સ, 444 રૂપિયાના પ્લાનમાં 2000 એફયુપી મિનિટ્સ અને 599 રૂપિયાના પ્લાનમાં 3000 એફયુપી મિનિટ્સ મળે છે.