રિલાયન્સ ઇન્ડસ્ટ્રીઝે રચ્યો ઇતિહાસ, પહેલીવાર માર્કેટ કેપ 19 લાખ કરોડને પાર થઇ, રિલાયન્સનો શેર શરુઆતી કારોબારમાં ઘટાડા સાથે ખૂલ્યો હતો
રિલાયન્સ ઇન્ડસ્ટ્રીઝે રચ્યો ઇતિહાસ
માર્કેટ કેપ 19લાખ કરોડને પાર થઇ
આટલી માર્કેટ કેપ ધરાવનાર દેશની પ્રથમ ભારતીય કંપની
શેરબજારમાં રિલાયન્સ ઇન્ડસ્ટ્રીઝ લિમિટેડનું શાનદાર પ્રદર્શન આજે પણ યથાવત જોવા મળ્યુ. બુધવારે શરુઆતી કારોબારમાં કંપનીનો શેર 1.20 ટકા વધીને 2,809.10 રુપિયા પર ટ્રેડ કરી રહ્યો છે.. કંપનીની માર્કેટ કેપ વધીને 19 લાખ કરોડ રુપિયા થઇ ગઇ છે. આ આંકડા સુધી પહોંચનાર રિલાયંસ ઇન્ડસ્ટ્રી એક માત્ર ભારતીય કંપની છે. કારોબારી દરમિયાન શેર 1.85 ટકા વધીને 2,827.10 રુપિયે ઓલટાઇમ હાઇ સુધી પહોંચી ગયો.
દેશની પહેલી ભારતીય કંપની
રિલાયન્સનો શેર આજે સવારે 20 રુપિયા પ્રતિ શેરના ઘટાડા સાથે ખૂલ્યો. પરંતુ થોડા સમય પછી શેરમાં ઉછાળો આવ્યો હતો. પરંતુ જોત જોતામાં કંપનીનો શેર NSEમાં રૂ. 2,826ની સર્વકાલીન ઊંચી સપાટીએ પહોંચ્યો. આ દરમિયાન રિલાયન્સ ઈન્ડસ્ટ્રીઝ લિમિટેડના શેરમાં લગભગ 1.25%નો ઉછાળો જોવા મળ્યો હતો. તે જ સમયે, સેન્સેક્સમાં રિલાયન્સ ઇન્ડસ્ટ્રીઝ લિમિટેડનું માર્કેટ કેપ વધીને રૂ. 19 લાખ કરોડ થયું હતું. જે ભારતીય કંપનીઓમાં સૌથી વધુ છે.
'GRM રેકોર્ડ સ્તરે પહોંચવાનો કારણે ઉછાળો'
શેરબજારના નિષ્ણાંતોના મતે સિંગાપુર GRM (ગ્રોસ રિફાઇનિંગ માર્જિન) રેકોર્ડ સ્તરે પહોંચવાના કારણે શેરબજારમાં રિલાયન્સ ઇન્ડસ્ટ્રીઝ લિમિટેડના શેરમાં ઉછાળો જોવા મળી રહ્યો છે. નિષ્ણાતોના મતે, સિંગાપુર જીઆરએમમાં દરેક ડોલરના વધારા માટે, રિલાયન્સ ઇન્ડસ્ટ્રીઝને 4 રુપિયાની કમાણી થઇ રહી છે. રશિયા-યુક્રેન યુદ્ધને કારણે સિંગાપોર GRM $7 થી વધીને $8 થયો છે.
રિલાયન્સે યુએઇની TAZIZ કંપની સાથે હાથ મિલાવ્યો
રિલાયન્સ ઇન્ડસ્ટ્રીઝે યુએઇમાં 2 અરબ ડોલરની તાજિજ કેમિકલ જોઇન્ટ વેન્ચર પ્રોજેક્ટ માટે એક ઔપચારિક શેર ઘારક સમજૂતી પર હસ્તાક્ષર કર્યા છે. આ ઉપરાંત પારંપરિક અને ગેર પરંપરાગત સંસાધનોની શોધ અને તેના ઉત્પાદન માટે અબૂધાબી નેશનલ ઓઇલ કંપની સાથે પણ સમજૂતી કરી છે. રિલાયન્સ ઇન્ડસ્ટ્રીઝ લિમિટેડના પ્રમુખ મુકેશ અંબાણીએ કહ્યું કે રિલાયન્સ ઇન્ડસ્ટ્રીઝ અને તાજિજ એક સંયુક્ત ઉદ્યમની તેજ પ્રગતિ જોઇને હું ખૂબ ખુશ છું.આ જોઇન્ટ વેન્ચર ભારત અને યુએઇ વચ્ચે મજબૂત સંબંધોનું પ્રમાણ છે.