દેશની બીજી સૌથી મોટી રિટેલર ફ્યૂચર રિટેલ લિમિટેડે પોતાના મોટાભાગના ઓનલાઈન અને ઑફલાઈન સ્ટોરના ઓપરેશન્સ બંધ કરી દીધા છે. કંપનીના મોટાભાગના સ્ટોર રવિવારે બંધ રહ્યાં. એક ન્યુઝ એજન્સીના રિપોર્ટ મુજબ, મુકેશ અંબાણીની આગેવાનીવાળી રિલાયન્સ ઈન્ડસ્ટ્રીઝ ફ્યુચર ગ્રુપને ટેકઓવર કરવાની પ્રક્રિયામાં છે.
ફ્યૂચર રિટેલ લિમિટેડે ઓનલાઈન અને ઑફલાઈન સ્ટોર કર્યા બંધ
રિલાયન્સ ઈન્ડસ્ટ્રીઝ ફ્યુચર ગ્રુપને ટેકઓવર કરવાની પ્રક્રિયામાં
કંપનીએ પોતાની વેબસાઈટ પણ રાખી બંધ
રિલાયન્સે ફ્યુચર ગ્રુપના કર્મચારીઓને નોકરીની ઑફર આપી
ફ્યૂચર ગ્રુપ ભાડુ ચૂકવી શકી નહોતી અને ત્યારબાદ હવે રિલાયન્સ ઈન્ડસ્ટ્રીઝ કિશોર બિયાનીની આગેવાનીવાળા ફ્યૂચર ગ્રુપના એવા રિટેલ સ્ટોરનું બ્રાન્ડિંગ કરશે. જેને કંપનીએ ભાડા પર લઇને ફ્યુચર ગ્રુપને પેટા ભાડા પર આપ્યું છે. આ સાથે રિલાયન્સ ઈન્ડસ્ટ્રીજે ફ્યુચર ગ્રુપના કર્મચારીઓને નોકરીઓની ઑફર પણ આપી છે. આમ તો રવિવારે મૉલ અને સુપર માર્કેટમાં ખરીદી માટે સૌથી વધુ લોકો આવે છે. પરંતુ આ રવિવારે બિગ બજાર રિટેલ ચેનના મોટાભાગના સ્ટોર બંધ રહ્યાં. કંપનીની વેબસાઈટ પરથી પણ રવિવારે ઑર્ડર પ્લેસ રોકી શક્યા નહીં. આ જ કારણ છે કે બપોરે 2:30 વાગ્યા સુધી વેબસાઈટને ઓપન કરતા જ મેસેજ આવી રહ્યો છે કે વેબસાઈટને અપગ્રેડ કરવાનું કામ ચાલુ છે.
ઓપરેશન્સને લઇ કંપનીએ કહી આ વાત
વેબસાઈટ પર લખવામાં આવ્યું છે, નમસ્તે અમે લોકો અમારી વેબસાઈટ અપગ્રેડ કરી રહ્યાં છે. સારા અનુભવ માટે અમારી સાથે રહીએ- ટીમ બિગ બજાર. ફ્યુચર ગ્રુપ અને રિલાયન્સ ઈન્ડસ્ટ્રીઝે આ અંગે કોમેન્ટ માટે વિનંતી કરી છે, પરંતુ હજી સુધી કોઈ જવાબ મળ્યો નથી. જેની પહેલા ફ્યુચર ગ્રુપે શનિવારે સ્ટોક એક્સચેન્જને જણાવ્યું હતુ કે કંપની તેના ઓપરેશન્સમાં ઘટાડો લાવી રહી છે.