કારોબાર / અંબાણીનો ગ્લોબલ પ્લાન : ભારતમાં 75 હજાર કરોડના રોકાણની જાહેરાત બાદ આ મુસ્લિમ દેશમાં કરશે મોટું રોકાણ

• રિલાયન્સ ઈન્ડસ્ટ્રીઝ અબુધાબી પેટ્રોકેમિકલ્સમાં રોકાણ કરશે
• ભારતમાં રિન્યુએબલ એનર્જી સેક્ટરમાં 75,000 કરોડનું રોકાણ
• રોકાણ 1.5 બિલિયન હોવાનું અનુમાન

આ ઘટનાક્રમ સાથે સંકળાયેલા સૂત્રોએ જણાવ્યું કે રિલાયન્સ ઈન્ડસ્ટ્રીઝ અબુધાબી નેશનલ ઓઈલ કંપની રુવાઈસમાં પ્રોજેકેટ શરુ કરશે અને આ રોકાણ 1.5 બિલિયન હોવાનું અનુમાન છે. 

ઉલ્લેખનીય છે કે મુકેશ અંબાણીએ દેશમાં રિન્યુએબલ એનર્જી સેક્ટરમાં 75,000 કરોડના રોકાણની મોટી જાહેરાત કરી છે. યુએઈમાં ઓઈલ અને ગેસ પૂરો પાડતી સૌથી મોટી કંપની એડનોકને Ta’ziz પ્રોગ્રામ હેઠળ 5 બિલિયન ડોલરના રોકાણની આશા છે. 

કંપની દ્વારા સ્ટેટમેન્ટમાં જણાવાયું છે કે રિલાયન્સ ઈન્ડસ્ટ્રીઝે અબુધાબી પેટ્રોકેમિકલ હબમાં રોકાણ માટેનો કરાર કર્યો છે. કંપનીએ જણાવ્યું કે રિલાયન્સ ઈન્ડ. અબુધાબી નેશનલ ઓઈલ કંપનીના પ્રોજેક્ટમાં જોડાશે.  અબુધાબી નેશનલ ઓઈલ કંપનીએ પણ આ કરારની જાહેરાત કરી દીધી છે. જોકે રોકાણની વધારે વિગતો આપવાનો કંપનીએ ઈન્કાર કરી દીધો છે. 

તઝીઝ ઈન્ડસ્ટ્રીયલ કેમિકલ ઝોનમાં આ પરિયોજના શરુ કરવામાં આવશે. તઝીઝ ઈન્ડસ્ટ્રીયલ કેમિકલ ઝોન એડનોક અને એડીક્યુનુ સંયુક્ત સાહસ છે. રિલાયન્સ ઈન્ડ.ની આ બીજી મોટી જાહેરાત છે. કંપની ભારતમાં રિન્યુએબલ એનર્જી સેક્ટરમાં 75,000 કરોડના રોકાણની જાહેરાત કરી ચૂકી છે.