દેશની સૌથી મોટી કંપની રિલાયન્સ ઈન્ડસ્ટ્રીઝ લિમિટેડ માર્કેટ કેપિટલાઈઝેનના આધારે હવે દુનિયાની 50 સૌથી વેલ્યૂડ કંપનીઓના લિસ્ટમાં સામેલ થઈ ચૂકી છે. આ સાથે જ રિલાયન્સ ઈન્ડસ્ટ્રીઝ હવે 13 લાખ કરોડ રૂપિયાના બજાર કેપિટલાઈઝેશનની સાથે ભારતની પહેલી કંપની બની છે. તેલ હોય કે ટેલિકોમ સેક્ટર RIL દુનિયાની સૌથી મૂલ્યવાન કંપનીઓના લિસ્ટમાં 48મા નંબરે પહોચી ચૂકી છે.
રિલાયન્સે રચ્યો ઈતિહાસ
માર્કેટ કેપ 13 લાખ કરોડને પાર પહોંચ્યું
RIL દુનિયાની સૌથી મૂલ્યવાન કંપનીઓના લિસ્ટમાં પહોંચ્યું
આ લિસ્ટમાં સઉદી અરામકો ઉચ્ચ સ્તરે છે. તેનું કુલ માર્કેટ કેપ 1.7 લાખ કરોડ ડોલર છે. ત્યાર બાદ એપલ ઈંન્ક, માઈક્રોસોફ્ટ, અમેઝોન ઈન્ક અને અલ્ફાબેટ જેવી કંપનીઓના નામ પણ સામેલ છે.
રેકોર્ડ સ્તરે છે RILના શેયર્સ
ગુરુવારે આખા દિવસના કારોબાર બાદ બોમ્બે સ્ટોક એક્સચેન્જ પર RIL નો શેયર 3.59 ટકા વધીને 2076 રૂપિયા પ્રતિ શેયર પહોંચ્યો છે. આ સાથે કંપનીનું કુલ માર્કેટ કેપ 13 લાખ કરોડ રૂપિયાને પાર પહોંચી ચૂક્યું છે. આ લેવલને ક્રોસ કરનારી RIL પહેલી ભારતીય કંપની બની છે.
અત્યારે જ રાઈટ્સ ઈશ્યૂના આધારે જાહેર કરાયેલા શેયર્સને પણ જોડી દેવામાં આવે તો RILનું કુલ માર્કેટ કેપ 13.5 લાખ કરોડ રૂપિયાને પાર પહોંચે છે. અમેરિકી ડોલરમાં આ 181 અરબ ડોલર છે. અત્યાર સુધી કોઈ ભારતીય કંપની એવી નથી જેનું માર્કેટ કેપ આટલું મોટું રહ્યું હોય.
આ દિગ્ગજ કંપનીઓ રિલાયન્સથી રહી છે પાછળ
દુનિયાની કેટલીક અન્ય કંપનીઓની વાત કરીએ તો રિલાયન્સ ઈન્ડસ્ટ્રીઝ આ માર્કેટ કેપ શએવરોન કોર્પોરેશન, ઓરેકલ, યૂનિલિવર, બેંક ઓફ ચાઈના, BHP ગ્રૂપ, રોયલ ડચ શેલ અને સોફ્ટ બેંક જેવી કંપનીઓના માર્કેટ કેપથી વધારે છે.
ટોપ 100 લિસ્ટમાં TCS પણ છે સામેલ
એશિયામાં સૌથી વધુ માર્કેટ કેપ ધરાવનારી કંપનીઓની લિસ્ટમાં રિલાયન્સ 10મા નંબરે છે. વૈશ્વિક સ્તર પર ચીનની અલીબાબા ગ્રૂપ 7મા નંબરે છે. દુનિયાની 100 મૂલ્યવાન કંપનીના લિસ્ટમાં ટાટા કન્સલ્ટન્સી સર્વિસિસ પણ સામેલ છે. BSE પર TCSના શેયરનો ભાવ 2170.75 રૂપિયા છે. અત્યારે ટીસીએસનું માર્કેટ કેપ 109 અરબ ડોલર એટલે કે 8.14 લાખ કરોડ રૂપિયા છે.