વિકાસ / રિલાયન્સે IOCને પાછળ છોડી વિશ્વની ટોપ 500 કંપનીની યાદીમાં દેશમાં પ્રથમ સ્થાન મેળવ્યું

રિલાયન્સની રેવન્યુ એક વર્ષમાં 32 ટકા વધી, IOCનો 18 ટકા ગ્રોથ
રિલાયન્સ કંપની સતત 16 વર્ષથી ફોર્ચ્યૂનની ગ્લોબલ-500ની યાદીમાં જોવા મળી રહી છે. કંપનીની રેવન્યુ 2018ના 62.3 અરબ ડોલરના મુકાબલે 32.1 ટકા વધીને 82.9 અરબ ડોલર થઇ ગઇ છે. બીજી તરફ આઇઓસીની રેવન્યુમાં 17.7 ટકા ગ્રોથ જોવા મળી. આ 65.9 અરબ ડોલરથી વધીને 77.6 અરબ ડોલર થઇ ગયું. છેલ્લા 10 વર્ષમાં રિલાયન્સ ઇન્ડસ્ટ્રીઝની રેવન્યુ કપાઉન્ડ વાર્ષિક ગ્રોથ 7.2 ટકા જ્યારે આઇઓસીનો 3.64 ટકા રહ્યો. 
 

7 ભારતીય કંપની ગ્લોબલ-500ની યાદીમાં સામેલ 
કંપની                                         રેન્કિંગ                રેન્કિંગમાં ફેરફાર
રિલાયન્સ ઇન્ડસ્ટ્રીઝ                      106                    +42
આઇઓસી                                  117                    +20
ઓએનજીસી                                160                    +37
એસબીઆઇ                                 236                    -20
ટાટા મોટર્સ                                  265                     -33
ભારત પેટ્રોલિયમ                           275                    +39
રાજેશ એક્સપોર્ટ                            495                    -90


સાઉદી અરામ પ્રથમ વખત ટોપ-10માં સામેલ
અમેરિકાની રિટેલ કંપની વોલમાર્ટ આ વર્ષે પણ ટોપ પર રહી. ચીનની સરકારી ઓઇલ એન્ડ ગેસ કંપની સિનોપેક બીજા નંબરે છે. ડચ કંપની રોયલ ડચ શેલ ત્રીજા નંબરે, ચાઇના નેશનલ પેટ્રોલિયમ  ચોથા નંબર અને ચીનની જ સ્ટેટ ગ્રિડ કંપની ચોથા નંબર પર છે.

સાઉદી અરબની તેલ કંપની સાઉદી આરામ પહેલીવાર ટોપ-10માં જોવા મળી છે. તે 10માં નંબર પર છે. 31 માર્ચ 2019 સુધી કંપનીઓના ગત વર્ષના રેવન્યુના આધારે આ રેન્કિંગ કરવામાં આવ્યું છે. ફોર્ચ્યૂન દર વર્ષે દુનિયાની ટોપ-500 કંપનીઓની રેન્કિંગ જાહેર કરે છે.