સોશિયલ મીડિયા / Facebook અને Reliance બનાવશે સુપર એપ, જેનાથી તમને થશે આ ફાયદો

• ફેસબુક અને રિલાયંસ મળીને We Chat જેવી એપ લાવી શકે છે
• એપમાં એક સાથે અનેક સર્વિસ મળશે
• જોકે હાલમાં બન્ને માંથી એક પણ કંપની કંઈ પણ ઓફિશિયલ નથી કહ્યુ

ચીની એપ We Chatના બેઝ પર આ એપને તૈયાર કરવામાં આવી રહી છે . આ એપ મેસેજની સાથે અનેક સર્વિસ આપશે. રિપોર્ટ મુજબ ફેસબુક તથા રિલાયન્સના આ એપમાં મેસેજીંગ ઉપરાંત ગ્રોસરી શોપિંગ, રિચાર્જ તથા પેમેન્ટ જેવી સર્વિસ આપવામાં આવી શકે છે. 

આ એપમાં ગેમિંગ, હોટેલ બુકિંગ અને સોશિયલ મીડિયાની સુવિધા પણ આપવામાં આવશે. ભારતમાં WhatsApp અને Facebookના ઘણા યુઝર્સ છે . તેનો ફાયદો આ એપને મળી શકે છે.

રિલાયન્સની વાત કરીએ તો ભારતમાં રિલાયન્સ જિયોના યુઝર્સ ઘણા છે  અને આ યુઝર્સમાંથી ઘણા યુઝર્સ જીયો એપ વાપરે છે. રિલાયન્સ પાસે અલગ અલગ નેટવર્ક છે. જેમ કે રિલાયન્સ રિટેલ સ્ટોર્સ, ઈ કોમર્સ, ફિલ્મ એપ તથા પેમેન્ટ એપ છે.

જો આ ફેસબુક અને રિલાયન્સની સુપર એપ બને છે તો શક્ય છે કે આમાં રિલાયન્સ પોતાની અલગ અલગ સર્વિસ જોડે, ફેસબુકની વાત કરીએ તો ફેસબુકની રિચથી બન્ને કંપનીઓને ફાયદો થશે.

ફેસબુક ટેક્નોલોજી અને સોશિયલ મીડિયા, ઈન્સ્ટૈન્ટ મેસેજીંગ ફ્રન્ટ પર આ એપમાં યુઝર્સને સુવિધા મળશે. આ પ્રકારની એપ ચીનમાં છે  WeChat. જેમાં મેસેજીંગ, શોપિંગથી લઈ પેમેન્ટ કરી શકાય છે. 

ETના એક રિપોર્ટ મુજબ આ ટીમના એક વ્યક્તિએ કહ્યું કે એક નવી કંપની બનાવી શકાય છે . જ્યાં બન્ને કંપનીઓ ઈન્વેસ્ટ કરશે અથવા ફેસબુક રિલાયંસ જિયો અને રિલાયંસ રિટેલમાં રોકાણ કરી શકેછે. બન્નેની પાર્ટનરશીપ સાથે એક નવા વેન્ચરની શરુઆત કરી શકાય છે.

ઉલ્લેખનીય છે કે હાલમાં જ સમાચાર આવ્યા હતા કે સોશિયલ મીડિયા કંપની ફેસબુક જિયોમાં રોકાણ કરવાની છે . 10 ટકા સ્ટેક્સ ખરીદવાની છે . જોકે બેમાંથી એક પણ કંપનીએ તેની સત્તાવાર જાહેરાત નથી કરી.