બિઝનેસ / 24713 કરોડ રૂપિયામાં ડીલ ફાઈનલ, હવે આ ક્ષેત્રમાં પણ રિલાયન્સનો કબજો

• ભારતના રિટેલ બિઝનેસમાં રિલાયન્સ બેતાજ બાદશાહ બની 
• આ ડીલ 24713 કરોડ રૂપિયામાં ફાઈનલ થઇ 
• બિગ બજાર, ફૂડ બજાર, સેન્ટ્રલ, બ્રાન્ડ ફેક્ટરી પર રિલાયન્સનો કબજો 

બિગ બજાર, ફૂડ બજાર, ઈ-ઝોન રિલાયન્સના કબ્જામાં

રિલાયન્સ ઇન્ડસ્ટ્રીઝની સબસીડરી કંપની રિલાયન્સ રિટેલ વેન્ચર્સ લિમિટેડ દ્વારા એક પ્રેસ રિલીઝ જાહેર કરવામાં આવી કે તે ફ્યુચર ગ્રુપના રિટેલ એન્ડ હોલસેલ બિઝનેસ અને લોજિસ્ટિક એન્ડ વેયરહાઉસિંગ બિઝનેસનું અધિગ્રહણ કરવા જઈ રહી છે. આ ડીલની સાથે જ બિગ બજાર, ફૂડ બજાર, ઈ-ઝોન અને અન્ય રિટેલ બિઝનેસ રિલાયન્સના કબ્જામાં આવી જશે. આ ડીલ 24713 કરોડ રૂપિયામાં ફાઈનલ થઇ છે અને આ ડીલ બાદ ભારતના રિટેલ બિઝનેસમાં રિલાયન્સ બેતાજ બાદશાહ બની ગઈ. 

ફ્યુચર ગ્રુપના રિટેલ અને હોલસેલ બિઝનેસ રિલાયન્સ રિટેલ વેન્ચર્સ લિમિટેડના અંતર્ગત

ફ્યુચર ગ્રુપના રિટેલ બિઝનેસમાં બિગ બજાર, ફૂડ બજાર, સેન્ટ્રલ, બ્રાન્ડ ફેક્ટરી અને હોમ ટાઉન સામેલ છે. રિલાયન્સનો રિટેલ બિઝનેસ Reliance Retailના નામથી છે. આ ડીલ બાદ ફ્યુચર ગ્રુપના રિટેલ અને હોલસેલ બિઝનેસ રિલાયન્સ રિટેલ વેન્ચર્સ લિમિટેડના અંતર્ગત આવી જશે. હવે ફ્યુચર ગ્રુપની લોજિસ્ટિક અને વેયરહાઉસિંગ બિઝનેસ પર રિલાયન્સ રિટેલ વેન્ચર્સ લિમિટેડ પર કબજો રહેશે. 

RRFLL મર્જર બાદ મોટા પ્રમાણમાં ફ્યુચર એન્ટરપ્રાઈઝ લિમિટેડમાં રોકાણ પણ કરશે. હવે કંપની 1200 કરોડનું રોકાણ કરશે અને 6.09 ટકા ભાગીદારી ખરીદશે. આ સિવાય 400 કરોડ ઈક્વિટી વોરંટના રૂપમાં રોકાણ કરશે. આમ કુલ RRFLL પાસે 7.05 ટકાનો હિસ્સો હશે. 

શું કહ્યું ઈશા અંબાણીએ 

ઇશા અંબાણીએ કહ્યું કે ફ્યુચર ગ્રુપના પ્રસિદ્ધ બ્રાન્ડની સાથે સાથે તેના વ્યવસાયિક ઈકો સિસ્ટમને સંરક્ષિત કરવા માટે પ્રસન્નતા થશે. ભારતમાં આધુનિક રિટેલના વિકાસમાં આ મહત્વપૂર્ણ ભૂમિકા નિભાવશે. અમને આશા છે કે નાના વેપારીઓ, કરિયાણા અને મોટી બ્રાંડ સાથે ભાગીદારીના કારણે રિટેલ સેક્ટરમાં વિકાસની ગતિ ચાલુ રહેશે. 

નોંધનીય છે કે મુકેશ અંબાણીએ રિટેલ બિઝનેસમાં 3 કરોડ કરિયાણા માલિકો અને 12 કરોડ ખેડૂતોને જોડવાનું લક્ષ્ય આપ્યું છે. એવામાં રિલાયન્સ ગ્રુપ ફ્યુચર ગ્રુપ દ્વારા પોતાની સ્થિતિને મજબૂત કરી રહી છે.