જાહેરાત / 58 દિવસમાં રિલાયન્સે ભેગું કર્યુ વિક્રમજનક રોકાણ, મુકેશ અંબાણીએ કહ્યું મેં મારો આ વાયદો પૂરો કર્યો

રિલાયન્સ ઇન્ડસ્ટ્રીઝ હવે દેવા મુક્ત બની ગઇ છે. કંપનીએ છેલ્લ 58 દિવસોમાં 1,68,818 રૂપિયા મેળવ્યાં છે. રિલાયન્સ કંપનીએ રાઇટસમાંથી પણ 53,124.20 કરોડ રૂપિયા પ્રાપ્ત કર્યાં છે. આ કવાયતને લઇને રિલાયન્સ કંપની હટે ડેટ ફ્રી થઇ ગઇ છે. જેનો મતલબ એ છે કે NET લેવલ પર રિલાયન્સ પર કોઇ દેવું નથી. કંપ નિયત કરેલા સમય કરતાં પહેલા દેવા મુક્ત બની ગઇ છે. દેવા મુક્ત બનવા કંપનીએ 31 માર્ચ 2021નું લક્ષ્ય રાખ્યું હતું. 

રિલાયન્સ ઇન્ડસ્ટ્રીઝ ડેટ ફ્રી

રિલાયન્સ કંપનીના ચેરમેન મુકેશ અંબાણીએ કહ્યું કે મને જાહેરાત કરતાં આનંદ થઇ રહ્યો છે કે શેરધારકોને આપેલું વચન પુરુ કર્યું છે. અમે 31 માર્ચ 2021 સુધીમાં નક્કી કરેલા સમય પહેલા રિલાયન્સ નેટને દેવા મુક્ત કરી દીધી છે. 

રિલાયન્સ ઇન્ડસ્ટ્રીઝે ગુરૂવારે જિયો પ્લેટફોર્મમાં 11માં રોકાણની જાહેરાત કરી હતી. છેલ્લા 9 અઠવાડિયામાં સતત 10 રોકાણ બાદ સાઉદી અરબની સૉવરેન વેલ્થ ફંડ PIF 2.32 ટકાની ભાગીદારી માટે જિયો પ્લેટફોર્મમાં 11,367 કરોડ રૂપિયાનું રોકાણ કરશે. 

22 એપ્રિલ પછી જિયો પ્લેટફોર્મમાં આ 11મું રોકાણ છે. આ સાથે જ રિલાયન્સ ઇન્ડસ્ટ્રીઝનું આ એકમ છેલ્લા 9 અઠવાડિયામાં વૈશ્વિક રોકાણકારોને 24.7 ટકાનો હિસ્સો વેચીને 1.15 લાખ કરોડ રૂપિયાની કમાણી કરી છે.