બિગ બજાર વાળી કંપની ફ્યુચર રિટેલ પર અલગ-અલગ લેણદારોના 21,000 કરોડ રૂપિયાથી વધુની જવાબદારી છે. હવે આ કંપનીના અધિગ્રહણ માટે ગૌતમ અદાણી અને મુકેશ અંબાણી આમને-સામને છે. બંનેએ આ કંપનીને ખરીદવા માટે પોતાના પેપર જમા કર્યા છે.
બિગ બજારમાં દાવ લગાવવા હવે મેદાનમાં ઉતર્યા અદાણી અને અંબાણી
બંનેએ આ કંપનીને ખરીદવા માટે પોતાના પેપર જમા કર્યા
જોઈન્ટ વેન્ચરે ફ્યુચર રિટેલ માટે એક્સપ્રેશન ઑફ ઈન્ટરેસ્ટ દાખલ કર્યુ
ગૌતમ અદાણી અને મુકેશ અંબાણી આમને-સામને
એશિયાના સૌથી અમીર શખ્સ ગૌતમ અદાણી અને રિલાયન્સ ઈન્ડસ્ટ્રીઝના માલિક અબજપતિ મુકેશ અંબાણી એક વખત ફરીથી આમને-સામને છે. બંને દેવામાં ડૂબેલી ફ્યુચર રિટેલ લિમિટેડના અધિગ્રહણ માટે મેદાનમાં છે. મીડિયા રિપોર્ટ મુજબ, એપ્રિલ મૂન રિટેલ પ્રાઈવેટ લિમિટેડ, અદાણી એરપોર્ટ હોલ્ડિંગ્સ અને ફ્લેમિંગો ગ્રુપ, રિલાયન્સ રિટેલ વેન્ચર્સની સાથે-સાથે 13 અન્ય ફર્મની વચ્ચે એક જોઈન્ટ વેન્ચરે ફ્યુચર રિટેલ માટે એક્સપ્રેશન ઑફ ઈન્ટરેસ્ટ દાખલ કર્યુ છે.
ફ્યુચર ગ્રુપ પર કેટલુ દેવુ
ફ્યુચર ગ્રુપની ફ્લેગશિપ રિટેલ યુનિટ ફ્યુચર રિટેલ માટે EOI જમા કરવાની સમય મર્યાદા આ મહિનાની શરૂઆતમાં પૂરી થઇ ગઇ. ફ્યુચર ગ્રુપ ક્યારેક દેશનુ બીજુ સૌથી મોટુ રિટેલર ફર્મ હતુ. બિગ બજારવાળી કંપની ફ્યુચર રિટેલ પર અલગ-અલગ લેણદારોના 21,000 કરોડ રૂપિયાથી વધુની જવાબદારી છે. કોર્પોરેટ નાદારી ઠરાવ પ્રક્રિયા હેઠળ કંપનીને 33 નાણાંકીય લેણદારો પાસેથી દાવા મળ્યાં છે.
ક્યારે આવશે ફાઈનલ યાદી
ફ્યુચર રિટેલ માટે EOI જમા કરવા માટે 20 ઓક્ટોબરની સમય મર્યાદા નક્કી કરવામાં આવી હતી. ત્યારબાદ આગળ વધારી દેવામાં આવશે. EOI જમા કરનારી કંપનીઓની ફાઈનલ યાદી 20 નવેમ્બરે જાહેર કરવામાં આવશે. ત્યારબાદ યાદીને 15 ડિસેમ્બર સુધીમાં એક સમાધાન યોજના રજૂ કરવા માટે કહેવામાં આવશે.