કોરોના વાયરસ (Coronavirus) વચ્ચે લોકોના જીવ બચાવવાના પ્રયાસોમાં લાગેલા નીતા અંબાણી (Nita Ambani) અને તેમની સંસ્થા રિલાયન્સ ફાઉન્ડેશન (Reliance Foundetion)ને દુનિયાની ઉચ્ચ સમાજસેવી યાદીમાં સામેલ કરવામાં આવ્યું છે.
વર્ષ 2020માં વિશ્વમાં ટોચના સમાજસેવીની યાદીમાં સામેલ
વિશ્વની સમાજસેવી યાદીમાં નીતા અંબાણી એકમાત્ર ભારતીય
અમેરિકન મેગેઝિન ટાઉન એન્ડ કંટ્રી ( American Magazine Town and Country)ની વર્ષ 2020 માટે ની આ યાદીમાં નીતા અંબાણી એકમાત્ર ભારતીય સમાજસેવી છે. નીતા અંબાણીએ લૉકડાઉન દરમિયાન સમાજ અને અલગ અલગ ક્ષેત્રો માટે તેમના રાહતના પ્રયાસો, ગરીબોને ભોજન અને દેશની પહેલી કોવિડ-19 હોસ્પિટલ (Covid 19 Hospital) જેવી સમાજ સેવાઓ માટે યાદીમાં સ્થાન આપવામાં આવ્યું છે. આ યાદી ટિમ કુક, ઓપરા, વિનફ્રે, લૉરેન પૉવેલ જૉબ્સ, લૉર્ડર ફેમિલી, ડોનાટેલા વર્સાચે અને માઇકલ બ્લૂમબર્ગ જેવા અન્ય ઉચ્ચ નામ પણ યાદીમાં સામેલ છે.
તાત્કાલિક રાહત ભંડોળમાં 7 કરોડ 20 લાખ ડૉલરનું દાન કર્યું
નીતા અંબાણી અને ફાઉન્ડેશનના પ્રયાસને માન્યતા આપતા મેગેઝિને કહ્યું કે, રિલાયન્સ ફાઉન્ડેશન-રિલાન્યસ ઇન્ડસ્ટ્રીઝની સમાજ સેવી સંસ્થા છે, જેની સ્થાપના નીતા અંબાણીએ કરી અને તે તેની ચેરપર્સન છે. સંસ્થાએ કોરોનાના આ અતિ પડકારરૂપ સમયમાં ફ્રન્ટલાઇન શ્રમિકો અને ગરીબોને લાખો ભોજન અને માસ્ક વિતરણ કર્યા, ભારતનું કોવિડ-19 દર્દીઓ માટે પહેલી હોસ્પિટલની સ્થાપના કરી અને તાત્કાલિક રાહત ભંડોળમાં 7 કરોડ 20 લાખ ડૉલરનું દાન કર્યું.
Mrs. Nita Ambani is the only Indian to be featured in Town & Country magazine’s list of top global philanthropists of 2020 who are working towards saving lives during the COVID-19 pandemic.#OneFamily@ril_foundationpic.twitter.com/PysTxqCRpk
યાદીમાં સામેલ થવા પર રિલાયન્સ ફાઉન્ડેશનના અધ્યક્ષ નીતા અંબાણીએ કહ્યું કે, સંકટના સમયે રાહત માટે સંસાધનોની સાથે સહાનુભૂતિ પૂર્ણ વલણની પણ બહુ જરૂરિયાત હોય છે. છેલ્લા કેટલાક વર્ષોમાં અમે સંકટના સમયે પોતાના પ્રયાસોને પ્રભાવશાળી બનાવવા માટે ફાઉન્ડેશન અને રિલાયન્સ ઇન્ડસ્ટ્રીઝમાં બહુ ડાઈમેન્શનલ અને વ્યવસ્થિત પ્રતિક્રિયાઓ અપનાવીને ખુદને સુસજ્જ કર્યા છે. અમે પ્રસન્ન અને વિનમ્ર છીએ કે અમારી પહેલને વૈશ્વિક સ્તર પર માન્યતા આપવામાં આવી રહી છે. જ્યારે પણ જરૂર પડશે અમારી સંસ્થા, સરકાર અને સમાજની સહાયતા પ્રતિબદ્ધ રહેશે.