શક્યતા / રિલાયન્સ 2000 કરોડમાં ખરીદી શકે છે અમદાવાદની આ કંપની! અગાઉ Jioએ કર્યું હતું જોડાણ

• અમદાવાદની ઈન્ફીબિમ એવેન્યૂઝને રિલાયન્સ ખરીદી શકે 
• અગાઉ ઈન્ફીબિમ એવેન્યૂઝ-રિલાયન્સ JIOએ જોડાણ કર્યું 
• ઈન્ફીબીમે ટિપ્પણી કરવાનો કર્યો ઈન્કાર

ભારતીય ઔદ્યોગિક જૂથ રિલાયન્સનું આકર્ષણ ફિનટેક કંપનીઓમાં વધી રહ્યું હોય તેવું લાગી રહ્યું છે એક અહેવાલ પ્રમાણે અમદાવાદની ઈન્ફીબિમ એવેન્યૂઝને રિલાયન્સ ખરીદી શકે છે,  મહત્વનું છે કે અગાઉ ઈન્ફીબિમ એવેન્યૂઝ-રિલાયન્સ JIOએ જોડાણ કર્યું છે. 

અમદાવાદની ઈન્ફીબિમ એવેન્યૂઝને રિલાયન્સ ખરીદી શકે 

પેમેન્ટ નેટવર્ક માટે બંન્ને કંપનીએ જોડાણ કર્યું હોય તેવું મનાઈ રહ્યું છે, ત્યારે હવે 2000 કરોડ રુપિયામાં રિલાયન્સ મેજોરિટી સ્ટેક ખરીદવાની શક્યતા જોવાઈ રહી છે, જોકે આ મુદ્દે ઈન્ફીબીમે કઈ પણ કહેવાનો ઈન્કાર કર્યો છે. મહત્વનું છે કે રિલાયન્સ ઇન્ડસ્ટ્રીઝે ગુરુવારે જૂન ક્વાર્ટરનાં ત્રિમાસિક પરિણામોની જાહેરાત કરી હતી જેમાં કંપનીએ અપેક્ષા કરતાં વધુ સારો દેખાવ કર્યો હોવાનું મનાઈ રહ્યું છે. 

2000 કરોડમાં રિલાયન્સ મેજોરિટી સ્ટેક ખરીદવાની શક્યતા

મુકેશ ધીરૂભાઇ અંબાણીએ ભારતીય અબજોપતિ બિઝનેસ મેગ્નેટ છે, રિલાયન્સ ઈન્ડસ્ટ્રીઝ ભારતની સૌથી મૂલ્યવાન કંપની છે. એપ્રિલ 2020 સુધી, મુકેશ અંબાણી એશિયાના સૌથી ધનિક વ્યક્તિ રહ્યા છે તેઓ ફોર્ચ્યુન ગ્લોબલ 500માં સ્થાન ધરાવતી અને બજાર કિંમત પ્રમાણે ભારતની સૌથી મોટી બીજી કંપની રીલાયન્સ ઇન્ડસ્ટ્રીઝ લિમિટેડના ચેરમેન, મેનેજીંગ ડિરેક્ટર અને અને સૌથી વધુ શેર ધરાવનાર વ્યક્તિ છે.