5 વખતની આઇપીએલ ચેમ્પિયન મુંબઈ ઈન્ડિયન્સ રિલાયન્સ ગ્રુપની માલિકીની ટીમ છે. આઈપીએલમાં સફળતા મળ્યા બાદ ગ્રુપે યૂએઈ ટી20 લીગમાં જવાનો નિર્ણય લીધો હતો.
રિલાયન્સ ગ્રુપ પાસે વિશ્વમાં 3 દેશોમાં ટીમ
યૂએઈ ટી20 લીગમાં જવાનો નિર્ણય લીધો
મુંબઈ ઈન્ડિયન્સ આઇપીએલ 5 વખત ચેમ્પિયન
ભારત બાદ રિલાયન્સ ગ્રુપે દક્ષિણ આફ્રિકા અને યુએઈમાં ટી-20 લીગ ટીમો ખરીદી છે. આ રીતે ક્રિકેટ જગતમાં રિલાયન્સનો દબદબો વધુ મજબૂત બન્યો છે. રિલાયન્સની ટી-20 ટીમમાં સૌથી નવી ટીમ સાઉથ આફ્રિકાની 'કેપ ટાઉન' છે. જેને મંગળવારે રિલાયન્સ ઇન્ડસ્ટ્રીઝની મુંબઇ ઇન્ડિયન બ્રાન્ડે ખરીદી હતી. આ સાથે રિલાયન્સને ત્રણ દેશોમાં ત્રણ ટી-20 ટીમ મળી છે.
રિલાયન્સે યુએઈમાં ટી-20 લીગ ટીમો ખરીદી
રિલાયન્સ પરિવારને સાઉથ આફ્રિકાની ટી-20 લીગ ટીમ 'કેપટાઉન'નું સ્વાગત કરતા રિલાયન્સ ઇન્ડસ્ટ્રીઝના ડાયરેક્ટર નીતા અંબાણીએ જણાવ્યું હતું કે, રિલાયન્સ પરિવારમાં અમારી નવી ટી-20 ટીમનું સ્વાગત કરતા હું અત્યંત ખુશ છું! અમે મુંબઈ ઈન્ડિયન્સની મજબૂત અને મનોરંજક ક્રિકેટ બ્રાન્ડને દક્ષિણ આફ્રિકા જેવા દેશમાં લઈ જવા માટે ઉત્સાહિત છીએ, એક એવો દેશ જે ક્રિકેટને એટલો જ પ્રેમ કરે છે જેટલો આપણે ભારતીયો કરીએ છીએ! જેમ-જેમ મુંબઈ ઈન્ડિયન્સની વૈશ્વિક ક્રિકેટની છાપ વધતી જશે, તેમ-તેમ રમત-ગમતના માધ્યમથી આનંદ અને ઉત્સાહ ફેલાવવાની આપણી પ્રતિબદ્ધતા પણ વધશે!
ત્રણ દેશોમાં ત્રણ ટી-20 ટીમ
રિલાયન્સ જિયોના ચેરમેન આકાશ અંબાણીએ કહ્યું કે, "સાઉથ આફ્રિકન ફ્રેન્ચાઇઝી સાથે હવે અમારી પાસે ત્રણ દેશોમાં ત્રણ ટી-20 ટીમ છે. અમે ક્રિકેટ ઇકો સિસ્ટમ અને બ્રાન્ડ મુંબઇ ઇન્ડિયન્સમાં અમારી કુશળતા અને અનુભવનો લાભ લેવા માટે તૈયાર છીએ જેથી ચાહકોને કેટલાક શ્રેષ્ઠ ક્રિકેટ જોવા મળે. કંપનીના જણાવ્યા અનુસાર, દેશમાં રિલાયન્સ ઇન્ડસ્ટ્રીઝે ક્રિકેટ ફ્રેન્ચાઇઝી, ફૂટબોલ લીગ, સ્પોર્ટ્સ સ્પોન્સરશિપ, કન્સલ્ટન્સી અને એથ્લેટ ટેલેન્ટ મેનેજમેન્ટ દ્વારા રમતગમત માટે વધુ સારી ઇકો સિસ્ટમ વિકસાવવામાં મહત્વની ભૂમિકા ભજવી છે.
“This partnership is also an important step towards our dream of strengthening the Olympic Movement in India.” says IOC Member Mrs. Nita M. Ambani, as Reliance Industries announce their partnership with the Athletics Federation of India (AFI). @afiindia #RelianceFoundationpic.twitter.com/3VF9JYZcgF
— Reliance Foundation (@ril_foundation) July 14, 2022
રિલાયન્સ ફાઉન્ડેશન સ્પોર્ટ્સ માટે
આ ઉપરાંત આરઆઈએલની સીએસઆર વિંગ - રિલાયન્સ ફાઉન્ડેશન સ્પોર્ટ્સ દ્વારા દેશભરના એથ્લીટ્સને ચેમ્પિયન બનવાની તક આપવામાં આવી રહી છે. વૈશ્વિક રમતોત્સવની યજમાનીમાં ભારતના વલણને મજબૂત કરવાની સાથે દેશમાં ઓલિમ્પિકને આગળ ધપાવવામાં આવી રહી છે. આ વર્ષની શરૂઆતમાં નીતા અંબાણીના પ્રયત્નોથી 40 વર્ષના ગાળા પછી 2023 માં મુંબઇમાં પ્રતિષ્ઠિત આંતરરાષ્ટ્રીય ઓલિમ્પિક સમિતિ સત્રનું આયોજન કરવામાં આવશે.