બિઝનેસ / મુકેશ અંબાણીનો મોટો પ્લાન, JIO નામથી જ હવે બીજો મોટો બિઝનેસ શરૂ કરશે

• મુકેશ અંબાણીનો મોટો પ્લાન
• JIO નામથી જ હવે બીજો મોટો બિઝનેસ શરૂ કરશે
• 5 વર્ષમાં જોઈન્ટ વેન્ચર 4114 નવા ફ્યૂઅલ સ્ટેશન ખોલશે

વેન્ચર ફ્યૂઅલ અને મોબિલિટીના કારોબારમાં ઉતરશે

હવે આ વેન્ચર ફ્યૂઅલ અને મોબિલિટીના કારોબારમાં ઉતરશે. રિલાયન્સની તરફથી પોતાના હાલના ફ્યૂઅલ રિટેલ નેટવર્ક અને એવિએશન ફ્યૂલ બિઝનેસના કારોબારને નવા જોઈન્ટ વેન્ચરમાં શિફ્ટ કરવામાં આવશે. કંપનીના લગભગ 1400 રિટેલ આઉટલેટ અને 30 એવિએશન ફ્યૂઅલ સ્ટેશન છે. જેને આવનારા 5 વર્ષમાં વધારીને 5500 રિટેલ નેટવર્ક અને 45 એવિએશન ફ્યૂલ સ્ટેશન કરવાની યોજના છે. આવનારા 5 વર્ષમાં જોઈન્ટ વેન્ચર 4114 નવા ફ્યૂઅલ સ્ટેશન ખોલશે. ફ્યૂઅલ સ્ટેશનના જોઈન્ટ વેન્ચર લ્યૂબ્રીકંટ જેવા અન્ય કારોબારમાં ઉતરશે. બીપી કંપની હાલના સમયમાં બીપી બ્રાન્ડ નેમના આધારે લ્યૂબ્રીકેન્ટના વેપારમાં છે. મુકેશ અંબાણીનું માનીએ તો રિલાયન્સ અને બીપી પોતાની એક્સપર્ટીઝને એકમેકને ભેગા કરીને ભારતીય ગ્રાહકોને વર્લ્ડ ક્લાસ પ્રોડક્ટ અને સુવિધાઓ આપશે. 

ફ્યૂઅલ પંપના કારોબારમાં ડબલ ડિજિટ ગ્રોથ

આ વર્ષે જુલાઈથી સપ્ટેમ્બરની ત્રિમાસિકમાં રિલાયન્સ ડિઝલ અને પેટ્રોલના કારોબારમાં લગભગ ડબલ ડિજિટનો ગ્રોથ રહ્યો છે. જો ઇન્ડસ્ટ્રીની રીતે વાત કરીએ તો ડિઝલ અને પેટ્રોલની ખપતમાં ઘટાડો આવી રહ્યો છે. તેના કારણે ગ્રોથમાં ઘટાડો આવી શકે છે. રિલાયન્સને હાઈ સ્પીડ ડિઝલના કારોબારમાં 14-15 ટકા ગ્રોથ મળ્યો છે જ્યારે પેટ્રોલમાં 17 ટકા ગ્રોથ રહ્યો છે.