આજે રિલાયન્સ ઈન્ડસ્ટ્રીઝની 44મીં વાર્ષિક જનરલ મીટિંગ ચાલી રહી છે
રિલાયન્સ ઈન્ડસ્ટ્રીઝની 44મીં વાર્ષિક જનરલ મીટિંગ
મુકેશ અંબાણીએ કંપનીના ગ્રીન એનર્જી પ્લાનની ઘોષણા કરી
જામનગરમાં 5000 એકર જમીન પર આ પ્લાન્ટ બનાવવામાં આવશે
આજે રિલાયન્સ ઈન્ડસ્ટ્રીઝની 44મીં વાર્ષિક જનરલ મીટિંગ ચાલી રહી છે. આ ઈવેન્ટમાં કંપનીએ ગ્રાહકોને સસ્તા 5જી ફોન અને લેપટોપની ભેટ આપી શકે છે. કંપની આ મીટિંગમાં 5જી નેટવર્કનું પણ એલાન કરી શકે છે. આ મીટિંગ પર શેર હોલ્ડર્સની નજર છે. પાછલા અમુક વર્ષોની વાત કરવામાં આવે તો રિલાયન્સ એજીએમ બાદ કંપનીના શેરના ભાવમાં ઉછાળો જોવા મળ્યો હતો. આ વખતે પણ આવી આશા રાખવામાં આવી રહી છે.
જામનગરમાં 5000 એકર જમીન પર બનશે આ પ્લાન્ટ
મુકેશ અંબાણીએ કંપનીના ગ્રીન એનર્જી પ્લાનની ઘોષણા કરી છે. જામનગરમાં ઘીરૂભાઈ અંબાણી ગ્રીન એનર્જી ગીગા કોમ્પલેક્સ બનાવવામાં આવશે. કંપની હવે પરંપરાગત એનર્જીની જગ્યા પર ન્યૂ એનર્જી એટલે કે સોલન ગ્રીન એનર્જી પર જોર આપવાની વાત કરી છે. તેના માટે રિલાયન્સે ન્યૂ એનર્જી કાઉન્સિલ બનાવ્યું છે જેમાં દેશની ઘણી મોટી પ્રતિભાઓને સામેલ કરવામાં આવશે.જામનગરના ધીરૂભાઈ ગ્રીન એનર્જી કોમ્પ્લેક્સ 5000 એકર જમીન પર આ પ્લાન્ટ બનાવવામાં આવશે.
રિલાયન્સ બનશે ગ્લોબલ
મુકેશ અંબાણીએ એજીએમમાં રિલાયન્સ ઈન્ડસ્ટ્રીઝના ગ્લોબલ હોવાની પણ જાહેરાત કરી હતી. તેમણે કહ્યું હતું કે તેમના ગ્લોબલ પ્લાન્સની ઘોષણા આવનાર સમયમાં કરવામાં આવશે. સાથે જ તેમણે જણાવ્યું હતું કે સાઉદી અરામકોના યાસિર અલ રૂમાયનને રિલાયન્સના બોર્ડમાં સામેલ કરવામાં આવશે. આ રિલાયન્સના ગ્લોબલ બનવાની શરૂઆત હશે.
કંપનીની રેવેન્યુ, 5.40 લાખ કરોડ
મુકેશ અંબાણીએ કહ્યું કે કંપનીએ નાણાકીય વર્ષ 2020-21 વખતે 5.40 લાખ કરડોની રેવેન્યૂનો લક્ષ્યાંક મેળવ્યો હતો. આ સમયે કંપનીનો નફો 53 હજાર કરોડ રૂપિયાથી વધારે રહ્યો છે. કંપનીએ 2020-21 વખતે 3.24 લાખ કરોડ રૂપિયાની પૂંજી ભેગી કરી જે અત્યાર સુધીની કોઈ પણ કંપની કરતા વધારે છે.
જીયોનો સસ્તો સ્માર્ટફોન ક્યારે આવશે?
મુકેશ અંબાણીએ એજીએમમાં 'જીયો ફોન નેક્સ્ટ'ને લોન્ચ કરવાની જાહેરાત કરી છે. એન્ડ્રોયડ પર બેસ્ટ આ સ્માર્ટફોન ગુગલ અને જીયોએ મળીને બનાવ્યો છે. કંપનીનો આ સસ્તો સ્માર્ટફોન ગણેશ ચતુર્થીએ એટલે કે 10 સપ્ટેમ્બરે બજારમાં આવશે.
જીયો દુનિયાનું બીજી સૌથી મોટુ ડેટા કેરિયર
રિલાયન્સ જીયો વિશે જાહેરાત કરતા મુકેશ અંબાણીએ કહ્યું કે જીયો દુનિયાનું બીજી સૌથી મોટુ ડેટા કેરિયર નેટવર્ક બની ગયું છે. તે સતત શાનદાર પ્રદર્શન કરી રહ્યું છે.
ગ્રીન એનર્જીને લઈને મોટુ એલાન
રિલાયન્સ ઈન્ડસ્ટ્રીઝના ન્યૂ અને ગ્રીન એનર્જી પ્લાન્સની જાહેરાત કરતા મુકેશ અંબાણીએ કહ્યું કે હજુ આપણો દેશ દુનિયામાં સૌથી મોટા ઈંધણ આયાત કરતા દેશોમાંથી એક છે. હવે આપણું લક્ષ્ય દેશને દુનિયાના સૌથી મોટા ગ્રીન એનર્જી આયાતકારોમાંથી એક બનાવવાનું લક્ષ્ય છે.