દાવો / કોરોના વેક્સિનથી પણ વધુ અસરકાર આ 'દવા' ! ટ્રમ્પ પણ તેનાથી જ સાજા થયા

• રીજેનેરોન કંપનીએ બનાવી છે એન્ટીબોડી કોકટેલ 
• અમેરિકાના રાષ્ટ્રપતિને પણ સંક્રમિત થવા પર આ જ કોકટેલ અપાઈ 
• કોરોના વાયરસની વેક્સિન કરતા પણ વધુ અસરકારક હોવાનો દાવો 

કોરોના વાયરસની સારવાર અને સંક્રમણના રોકથામ માટે વિશ્વમાં વેક્સિન શોધવા માટે કામ ચાલી રહ્યું છે પરંતુ અમેરિકાની એક કંપનીએ બનાવેલ એન્ટીબોડી કોકટેલથી આશા જાગી છે અને વિશ્વભરમાં તેની ચર્ચા થઇ રહી છે. અમેરિકાનાં રાષ્ટ્રપતિને પણ આ જ કોકટેલ આપવામાં આવી છે. દાવો કરવામાં આવી રહ્યો છે કે આ કોકટેલ વેક્સિન કરતા વધુ સારી છે. 

કોરોના વાયરસના કારણે દેશ અને દુનિયામાં કેસમાં સતત વધારો થઇ રહ્યો છે. દુનિયાનાં કેટલાક દેશો અત્યારે કોરોના વાયરસની રસી શોધવા માટે પ્રયત્ન કરી રહ્યા છે પરંતુ જો એકવાર સંક્રમણ થઇ જાય તો રસી કામ કરી શકતી નથી. એવામાં અમેરિકાની કંપની રીજેનેરોને (Regeneron's antibody cocktail)એ એવી એન્ટીબોડી કોકટેલ તૈયાર કરી છે જે કોરોનાથી બચાવે છે અને સારવાર પણ કરી શકાય છે. રાષ્ટ્રપતિ ડોનાલ્ડ ટ્રમ્પને પણ કોરોના સંક્રમિત થવા પર આ જ કોકટેલ આપવામાં આવી. શોધ કરનારાઓનો દાવો છે કે આ કોકટેલ કોરોના વાયરસને રોકવા અને તેની સારવાર બંનેમાં ઉપયોગી છે.  

સાયન્સ જર્નલમાં છપાયેલ રિસર્ચ અનુસાર પહેલા વાનરો પર ટેસ્ટ કરવામાં આવ્યું હતું જેમાં કોરોના વાયરસના હલકા લક્ષણો જોવા મળ્યા હતા. શોધમાં બહાર આવ્યું કે વાનરોને વાયરસના સંપર્કમાં આવ્યા ત્રણ દિવસ પહેલા કોકટેલ આપવામાં આવી તો સારવારમાં ઇન્ફેકશનને જન્મવા જ ન દીધી. વૈજ્ઞાનિકો કહી રહ્યા છે કે આના પરિણામો રસીના પરિણામ જેવા જ અને સારા છે.