તૈયારીઓ / વાયબ્રન્ટ સમિટ અંતર્ગત CM ભૂપેન્દ્ર પટેલનો દિલ્હીમાં રોડ શો, જાણો સમગ્ર કાર્યક્રમ

• દિલ્લીમાં CM ભૂપેન્દ્ર પટેલનો રોડ શો
• વાયબ્રન્ટ સમિટ અંતર્ગત કરશે રોડ શો
• ઉદ્યોગપતિઓ સાથે કરશે બેઠક

વાયબ્રન્ટ ગુજરાત ગ્લોબલ સમિટ-2022 અંતર્ગત CM ભૂપેન્દ્ર પટેલ રોડ શો કરશે. આ સાથે જ દિલ્હીમાં ઉદ્યોગપતિઓ સાથે વન ટુ વન મિટિંગ કરશે અને વિવિધ દેશોના રાજદૂત સાથે બેઠક કરશે. 

રાજધાની નવી દિલ્હી ખાતે વાયબ્રન્ટ ગુજરાત ગ્લોબલ સમિટ 2022 ના પ્રથમ રોડ શો ના પ્રારંભે અગ્રણી ઉદ્યોગ સંચાલકો સાથે વન ટુ વન બેઠક કરી દિવસની શરુઆત કરી હતી.આ અન્વયે મારુતિ સુઝુકી ઇંડિયા લિમિટેડના M.D અને CEO શ્રી કેનીચી આયકાવા સાથે બેઠક કરી 16 હજાર કરોડના રોકાણની પણ વિગતો મેળવી હતી. pic.twitter.com/GAnf5ZOi00

— Bhupendra Patel (@Bhupendrapbjp) November 25, 2021

રાજ્યની ઉદ્યોગ-વેપારલક્ષી નીતિઓ વિશે કરશે માહિતગાર

વાયબ્રન્ટ સમિટ-2022નો કર્ટેન રેઇઝર પ્રોગ્રામ યોજાશે. રાજ્યની ઉદ્યોગ-વેપારલક્ષી નીતિઓ વિશે માહિતગાર કરશે. CMના મુખ્ય અગ્રસચિવ કૈલાશનાથન પણ ઉપસ્થિત રહેશે. મુખ્ય સચિવ પંકજ કુમાર અને ACS રાજીવ ગુપ્તા પણ ઉપસ્થિત રહેશે. દિલ્હી બાદ દેશના વિવિધ શહેરોમાં પણ રોડ શો યોજાશે.

સૌથી વધુ MoU થાય તેવી અધિકારીઓને સૂચના આપી: વાઘાણી

જીતુ વાઘાણીએ જણાવ્યું હતું કે, કેબિનેટમાં વાઇબ્રન્ટ ગુજરાત અંગે ચર્ચા કરવામાં આવી છે. તમામ અધિકારીઓને સૌથી શ્રેષ્ઠ વાઇબ્રન્ટ સમિટ તૈયાર કરવાની અને વધુમાં વધુ MoU થાય તેવી સૂચના આપી છે. 19 કંપની જોડે MoU કર્યા છે, 24,185 કરોડના MoU થયા છે. અંદાજિત 37000 જેટલી રોજગારી ઉભી થવાની સંભાવના છે.

Gujarat CM Bhupendra Patel will hold meetings with senior managers and business leaders regarding the Vibrant Gujarat Summit, in New Delhi on Thursday: CMO

(File photo) pic.twitter.com/4WOpypV8IX

— ANI (@ANI) November 24, 2021

ગૃહમંત્રી અમિત શાહ પણ વર્ચ્યુઅલી કરશે સંબોધન

આજે મુખ્યમંત્રી દિલ્હીમાં લીલા પેલેસમાં વાઇબ્રન્ટ સમિટને લઇને રોડ શો કરશે. 9 વાગ્યાથી કાર્યક્રમ શરૂ થશે, 12.10થી 12.30 ગૃહમંત્રી અમિત શાહ વર્ચ્યુઅલી સંબોધન કરશે અને જોડાશે. આખા દિવસ અલગ અલગ કાર્યક્રમ રાખ્યા છે અને લોકો પણ આવવાના છે. એસ. જયશંકર પણ સેશનમાં જોડાશે. ઇન્જેક્શન ઓફ હેલ્થ મિશન અંગે તેઓ વાત કરશે. વાઇબ્રન્ટ સમિટનો કાર્યક્રમ દિલ્હી રોડ શોથી શરૂ થશે.