બોલિવૂડની સુપર હોટ એક્ટ્રેસ કરીના કપૂર ખાન પોતાના હોટ લુકને કારણે હંમેશા ચર્ચામાં રહે છે. જ્યારે હાલ જ કરીના કપૂર પોતાની આવેલી ફિલ્મ ગૂડ ન્યુઝમાં પોતાની એક્ટીંગ જાદુ દેખાડી ચુકી છે અને ચાહકોને તેમનો અભિનય ખુબ પસંદ પડ્યો છે. અને હાલમાં કરીનાએ સૈફ સાથે લગ્ન કરવાના નિર્ણય પર ખુલાસો કર્યો છે.
કરીનાએ સૈફ સાથે લગ્ન વિશે કર્યો ખુલાસો
સૈફે મને કહ્યું કે હું વિચારું છું કે આપણે બંનેએ લગ્ન કરી લેવાં જોઇએ
મેં મારી લાઇફનું સૌથી બેસ્ટ ડિસિઝન લીધું
તાજેતરમાં પોતાનાં લગ્ન પહેલાંની યાદને તાજા કરતાં કરીનાએ ઘણી બધી વાતો કરી. તેણે કહ્યું કે પહેલી વાર સૈફ અલી ખાને કેવી રીતે લગ્ન માટે પ્રપોઝ કર્યું હતું. તે સમય 'ટશન' ફિલ્મના શૂટિંગનો હતો, જ્યાં કરીના અને સૈફની લવસ્ટોરી શરૂ થઇ હતી. બંનેએ ૨૦૧૨માં લગ્ન કર્યાં હતાં અને ફિલ્મ 'ટશન' વર્ષ ૨૦૦૮માં આવી હતી. કરીનાએ જણાવ્યું કે અમે ગ્રીસમાં 'ટશન' ફિલ્મનું શૂટિંગ કરી રહ્યાં હતાં અને સૈફે મને કહ્યું કે હું વિચારું છું કે આપણે બંનેએ લગ્ન કરી લેવાં જોઇએ.
ત્યારબાદ મને એ જ વાત સૈફે લદાખમાં પણ કહી. તેણે કહ્યું કે આપણે બહુ સારાં કપલ બનીશું. મેં તે સમયે સૈફને કહ્યું હતું કે મને ખબર નથી, કેમ કે હું તને સારી રીતે જાણતી પણ નથી, જોકે મારો જવાબ ઇનકાર ન હતો, પરંતુ મારું કહેવું એમ હતું કે હું તને વધુ સારી રીતે જાણવા ઇચ્છું છું. મને લાગે છે કે મેં મારી લાઇફનું સૌથી બેસ્ટ ડિસિઝન લીધું.
તાજેતરમાં ફિલ્મ 'ગુડ ન્યૂઝ'માં કરીનાના અભિનયનાં ખૂબ વખાણ થયાં છે. એક વખત ફરી તેણે પોતાના ફિગરથી સૌને પ્રભાવિત કર્યાં છે. કરીના હવે ૪૦ વર્ષની થવા જઇ રહી છે, પરંતુ તેનું ફિગર જોઇ દરેક વ્યક્તિ હેરાન છે. તેના આ સુપર હોટ એપિયરન્સ પાછળ ફિટનેસને લઇ તેની ગંભીરતા અને સખત મહેનત છે. ફિલ્મ 'ગુડ ન્યૂઝ' માટે તેણે તેના ફિગર પર વિશેષ મહેનત કરી હતી.
કરીનાની ન્યૂટ્રિશનિસ્ટ ઋજુતા દિવેકરે જણાવ્યું કે સુપર હોટ લુક મેળવવા કરીનાએ એક ખાસ ડાયટ પ્લાન ફોલો કર્યો હતો. આઠ મિલ ડાયટ હેઠળ એક અઠવાડિયા સુધી દિવસમાં ત્રણ વાર ભોજન કરવાના બદલે થોડું થોડું આઠ વખત ખાવાનું. ફિટ અને હેલ્ધી રહેવા સાથે તે જિમમાં ૧૦ કલાક પરસેવો પણ વહાવે છે. તે અઠવાડિયામાં ૪ થી ૫ કલાક ટ્રેનિંગ અને વર્કઆઉટ કરે છે.