ટીવી ઇન્ડસ્ટ્રીની ચમકથી આપણે સૌ અંજાઇ જઇએ છીએ, ઘણીવાર આપણે કોઇ પાત્રના એવા દિવાના થઇ જઇએ છીએ કે તેને ફોલો કરવા લાગીએ છીએ. ટીવી જગતમાં કલાકારોને સ્ક્રિપ્ટ અને વાર્તાની માંગ અનુસાર જ કાસ્ટ કરવામાં આવે છે. તમને ખબર છે કે ઓન સ્ક્રીન ભાઇ-બહેન, માતા-પિતા, કે સાસુ જમાઇ રિયલ લાઇફમાં પરણી ગયા છે. તો આજે અમે તમને એવા જ સિતારાઓ વિશે જણાવીશું.
ઓફસ્ક્રીન ઇલુ ઇલુ
માતાને કરી ડૅટ
સસરા સાથે પણ જામી જોડી
રામ કપૂર-ઇશા ગ્રોવર
એક સમયનો જાણીતો શૉ એટલે બડે અચ્છે લગતે હે, ઘરે ઘરે ગૃહિણીઓ સિવાય પતિદેવો પણ આ શૉના દિવાના હતા. તેમાં મુખ્ય પાત્ર રામ કપૂરે ભજવ્યુ હતુ. શૉમાં તેણે ઇશા ગ્રોવસના દિકરાની ભૂમિકા ભજવી હતી પરંતુ ઑફસ્ક્રીન આ બંનેના અફેરની ચર્ચા ખૂબ થઇ રહી હતી. હા એક વાત છે બંનેએ પોતાના સંબંધો ક્યારેય જાહેરમાં સ્વિકાર્યા નહોતા.
સિદ્ધાર્થ શુક્લા-સ્મિતા બંસલ
બિગબોસ 13 જીત્યા બાદ સિદ્ધાર્થને લોકો વધારે પ્રેમ કરવા લાગ્યા. કલર્સ પર આવતા બાલિકાવધૂમાં તે સ્મિતા બંસલનો જમાઇ બન્યો હતો પરંતુ વાસ્તવિક જીવનમાં બંને એકબીજાને ખૂબ પ્રેમ કરતા હતા. ઘણો સમય એકબીજાને ડેટ કર્યા બાદ બંનેના સંબંધનો અંત આવી ગયો હતો.
સુનિલ દત્ત-નર્ગિસ
જૂની ફિલ્મો આજે પણ જોઇએ તો તેમાં રહેલો જાદુ આપણને સ્પર્શી જાય છે. તેમાં જ ફિલ્મ મધર ઇન્ડિયાની તો વાત જ કંઇક જુદી હતી. તેમાં સુનિલ દત્ત અને નર્ગિસે માતા-પુત્રની ભૂમિકા ભજવી હતી, પરંતુ વાસ્તવિકતા કંઇક જુદી જ નીકળી. બંને પરણી ગયા અને સાત જન્મોના સાથી બની ગયા.
અંકિત ગેરા-મોનિકા સિંહ
અંકિત ગેરાએ પણ સપને સુહાને લડકપનકે પહેલા પ્રતિજ્ઞા સિરીયલમાં કામ કર્યુ હતુ. શૉમાં તે મોનિકા સિંહના દીકરાની ભૂમિકા ભજવી રહ્યો હતો. રિયલ લાઇફમાં બંનેએ એકબીજાને ડેટ કર્યા પરંતુ તેમનો સંબંધ આગળ ચાલી ન શક્યો.
નીના ગુપ્તા-આલોકનાથ
નીના ગુપ્તાએ પ્રખ્યાત સિરીયલ બુનિયાદમાં આલોકનાથની વહુનુ પાત્ર ભજવ્યુ હતુ. સસરા-વહુની આ જોડીને દર્શકોએ ખૂબ પસંદ કરી હતી. બાદમાં બંનેએ એકબીજાને ડેટ કરવાનુ શરૂ કર્યુ હતુ. તેમનો આ સંબંધ લાંબો સમય ચાલી શક્યો નહી.