સ્વાસ્થ્ય / થોડી થોડી ચોકલેટ ખાતા રહેજો! હાર્ટના ખતરાને કરે છે ઓછો, જાણો મૂડ બનાવતા ફાયદા

માર્કેટમાં અલગ અલગ પ્રકારની ચોકલેટ મળે છે. જેમાં ડાર્ક, મિલ્ક, વ્હાઈટ જેવી વેરાયટી સામેલ છે. દરેક ઉંમરના વ્યક્તિને ચોકલેટ ખાવાનું પસંદ હોય છે. અમુક લવ બર્ડ પણ જ્યારે રિલેશનના ફર્સ્ટ સ્ટેજમાં હોય છે ત્યારે ચોકલેટ એકબીજાને આપવાનું પસંદ કરે છે. ભલે ચોકલેટને સ્વાસ્થ્ય માટે હાનીકારક માનવામાં આવે છે.પણ ચોકલેટમાં અનેક ગુણકારી તત્વો પણ હોય છે.

ચોકલેટમાં એન્ટીઓક્સિડન્ટ, ફ્લેવોનોઈડ્સ, આયરન અને મેગ્નેશિયમ જેવા તત્વો સામેલ હોય છે. ડાર્ક ચોકલેટમાં 70 ટકા કોકો હોય છે. તેનાથી હાર્ટ સહિતનું સ્વાસ્થ્ય હેલ્થી રહે છે. આજે અહીંયા તમને ચોકલેટ ખાવાના ફાયદા જણાવીશું.

• ચોકલેટના ફાયદા

1. એન્ટીઓક્સિડન્ટ અને ફ્લેવોનોઈડ્સથી ફ્રી રેડિકલ્સને ખતમ કરવાનું કામ કરે છે અને કોષને નુકશાનથી બચાવે છે.
2. ડાર્ક ચોકલેટનું નિયમિત રીતે સેવન કરવાથી બ્લડ પ્રેશર ઓછું થાય છે અને હ્યદય રોગનું જોખમ ઘટે છે.
3. ચોકલેટમાં કેફીન અને થિયોબ્રોમાઈન જેવા તત્વ હોય છે જે ધ્યાન કેન્દ્રીત કરવામાં અને માનસિક સ્વાસ્થ્ય સુધારવામાં મદદ કરે છે.
   
4. એન્ટીઓક્સિડન્ટ અને મિનરલ્સને કારણે તે આપણી ત્વચામાંં મોસ્શ્ચરાઈઝ રાખે છે. અને યુવી કિરણો થતાં તડકાથી પ્રોટેક્ટ કરે છે.
   
5. ચોકલેટમાં સેરોટોનિન અને એંડોર્ફિનને વધારવાના તત્વો સામેલ હોય છે જે તણાવ ઓછો કરવામાં મદદ કરે છે.
6. ડાર્ક ચોકલેટ LDL (ખરાબ) કોલેસ્ટ્રોલને ઘટાડવાનું કામ કરે છે. અને ગુડ કોલેસ્ટ્રોલને વધારે છે.
7. ચોકલેટમાં સામેલ ફ્લેવોનોઈડ્સ ઈન્શ્યુલિન સંવેદનશીલતાને સુધારવાનું કામ કરે છે. અને બ્લડ શુગર મેન્ટ્રેન રાખે છે.
8. ચોકલેટમાં એન્ટી ઈન્ફ્લેમેટરી ગુણ હોય છે. જે શરીરમાં સોજો ઘટાડવાનું કામ કરે છે.
9. ચોકલેટમાં ફેટ શુગર અને કેફીન હોય છે. જે ઈન્સ્ટન્ટ એનર્જી અને સ્ફૂર્તિ પ્રદાન કરે છે.