Redmi Note 6 Pro ભારતમાં થશે લોન્ચ જાણો કિંમતથી લઇને ફિચર્સ અંગે...

ચાઇનાની સ્માર્ટફોન કંપની Xiaomi આજે ભારતમાં પોતાનો Redmi Note સીરીઝનો સ્માર્ટફોન Redm Note 6 Proને ભારતમાં લોન્ચ કરશે. આ સ્માર્ટફોનને થાઇલેન્ડ અને ઇન્ડોનેશિયામાં પહેલા જ લોન્ચ કરી દેવામાં આવ્યો છે.

Xiaomi આ સ્માર્ટફોનને 23 નવેમ્બરના રોજ Black Friday Sale 2018માં વેચાણ કરશે. Redm Note 6 Pro સ્માર્ટ ફોનના લોન્ચ અંગે આ કન્ટ્રી હેડે જાણકારી આપી હતી.  

આ સ્માર્ટફોન આજરોજ લોન્ચ કરવામાં આવશે. આ ફોનને એક્સક્યૂલિઝીવ ઓનલાઇન શોપિંગ પોર્ટલ Flipkart પરલોન્ચ કરવામાં આવશે. આ સ્માર્ટફોનની કિંમત 10 000 રૂપિયાથી લઇને 15 000 રૂપિયા વચ્ચે લોન્ચ કરવામાં આવશે. જ્યારે આ ફોનને 23મીએ ઓનલાઇન ખરીદી શકાશે.

આ સ્માર્ટ ફોનનું ડિસ્પ્લે 6.26 ઇંચનું આપવામાં આવ્યું છે. ડિસ્પ્લેનો અંદાજીત રેશિયો 19:9 અને રિઝોલેશન 2280x1080 પિકસલ આપવામાં આવ્યું છે. 

જો ફોનના પ્રોસેસરની વાત કરીએ તો 1.8GHz Qualcomm સ્નૈપડ્રેગન 636 ચિપસેટ પ્રોસેસર આપવામાં આવ્યું છે. જ્યારે ગ્રાફિક્સ માટે સારી ક્વોલિટનું એન્ડ્રોઇડ 509GPU આપવામાં આવેલ છે.

જ્યારે આ સ્માર્ટફોનમાં હાઇબ્રિડ સિમ કાર્ડ આપવામાં આવેલ છે એટલે તમે એક વધારનું સિમ લગાવી શકો અથવા માઇક્રોએસડી કાર્ડનો ઉપયોગ કરી શકો છે. જ્યારે મેમરી કાર્ડ દ્વારા 128 જીબી સુધી વધારી શકો છો. જ્યારે ફોનના રેમ અને સ્ટોરેજ વેરિએન્ટ અંગેની જાણકારી લોન્ચ બાદ ઉપલબ્ધ થશે.

આ ફોનમાં MIUI 10 પર આધારિત એન્ડ્રોઇડ 8.1 ઓરિયો પર કામ કરશે. ફોનમાં પાવરફુલ 4 000 mAhની બેટરી આપવામાં આવેલી છે.

ફોનના કેમેરાના ફિચર્સની વાત કરીએ તો તેમાં ફોટોગ્રાફી માટે ડ્યૂલ રિયર કેમેરો આપવામાં આવ્યો છે. તેનો પ્રાઇમરી કેમેરો 12 મેગાપિક્સલ જ્યારે સેકેન્ડરી કેમેરો 5 મેગાપિકસલનો છે. ફ્રન્ટમાં પણ ડ્યૂઅલ કેમેરો આપવામાં આવ્યો છે.