રેસિપી / 15 મિનિટમાં આ રેસિપીથી 150 રૂપિયામાં મનાવી લો પ્રિયતમને

કેકનો બેઝ બનાવવાની સામગ્રી

• 100 ગ્રામ મેંદો
• 100 ગ્રામ દહીં
• 100 ગ્રામ ખાંડ
• ચપટી મીઠું
• ચપટી બેંકિંગ સોડા
• ચપચી બેકિંગ પાવડર
• એક ચમચી ઘી, બટર કે તેલ
• એક ચમચી વેનીલા એસેન્સ
• ચપટી રેડ ફૂડ કલર

રીત

• એક બાઉલમાં દહીં લો તેને ફેંટી લો
• તેમાં ખાંડ, વેનીલા એસેન્સ, બટર ઉમેરો
• હવે તેમાં મેંદો, મીઠું, બેંકિંગ સોડા, બેકિંગ પાવડર અને ચપચી રેડ ફૂડ કલર ઉમેરો
• આ બેટરને ફીટીં લો. તમામ વસ્તુઓ એક રસ થઈ જાય તેમ એક જ દીશામાં સાદા ચમચાથી હલાવીને તૈયાર કરી લો
• હવે 5 મિનિટ 180 સે. પ્રિ હિટ કરેલા ઓવનમાં 15 મિનિટ બેક કરો. 
• રેડ વેલવેટ બેઝ રેડી છે. 

સજાવવા માટે

કાગળથી હેપી વેલેન્ટાઈ ડે કાતરી તેને બેઝની ઉપર મૂકી ઉપરથી બુરુખાંડને ચારણીથી ભભરાવો, અક્ષરો કોતરાઈ જશે, તમારી સિમ્પલ રેડ વેલવેટ કેકટ રેડી છે.
બીજી એક સિમ્પલ રીત છે. આઈસ્ક્રીમમાં રેડ વેલવેટ કેકનો ક્રમ્મસ ઉમેરી તેનાથી કેકને સજાવી શકાય. 

નોંધ:
કૂકરમાં બનાવવા માટે કૂકર અથવા કડાઈ કે તપેલામાં મીઠુ ભરી તેને પાંચ મિનિટ ઢાંકીને ગરમ કરી દેવું પછી થી કેકનું જે બેટર તૈયાર કરવામાં આવ્યુ છે તેને નક્કી કરેલા કન્ટેનરને એ મીઠા વાળા તપેલા, કૂકર કે કડાઈમાં મૂકી દો, 15 મિનિટમાં તમારી કૂકર કેક તૈયાર થઈ જશે. 

કેક રેડી થઈ એ કેવી રીતે ખબર પડશે?

તો ચમચી, ચપ્પાને કેકની વચ્ચે ખોસી જો તે સાફ બહાર આવે તો તમારી કેક પરફેક્ટ બેક થઈ ગઈ છે. 

ટીપ્સ

મધ અથવા ખાંડના પાણીથી કેક ગરમ હોય ત્યારે તેના પર નાંખવાથી કેક વધુ મોઈશ્ચરવાળી અને સોફ્ટ બનશે

રેસિપી : Gayatri Joshi