મ્યુનિસિપલ કોર્પોરેશનમાં પ્રોપર્ટી ટેક્સ ભરવાનું ટાળનારા મોટી રકમના ડિફોલ્ટર્સ સામે હરાજી કરવાની કાયદાકીય પ્રક્રિયા હાથ ધરાઈ હોઈ રોજેરોજ વધુ ને વધુ ડિફોલ્ટર્સ સામે તંત્ર લાલ આંખ કરી રહ્યું છે.
પ્રોપર્ટી ટેક્સ ન ભરનાર સામે મ્યુ. તંત્રની લાલ આંખ
૩.૯૪ કરોડનો ટેક્સ ન ચૂકવે તો દક્ષિણ ઝોનની ૩૦ મિલકતની હરાજી કરાશે
રેસ્ટોરાં, ગોડાઉન, દુકાન, પોલ્ટ્રીફાર્મ વગેરે સામે કાયદાકીય પગલાં લેવાશે
મ્યુનિસિપલ કોર્પોરેશનમાં પ્રોપર્ટી ટેક્સ ભરવાનું ટાળનારા મોટી રકમના ડિફોલ્ટર્સ સામે હરાજી કરવાની કાયદાકીય પ્રક્રિયા હાથ ધરાઈ હોઈ રોજેરોજ વધુ ને વધુ ડિફોલ્ટર્સ સામે તંત્ર લાલ આંખ કરી રહ્યું છે. ગઈ કાલે ટેક્સ ન ભરનાર ઉત્તર-પશ્ચિમ ઝોનની નવ મિલકતને તંત્રએ હરાજી માટેની અંતિમ નોટિસ ફટકારી હતી અને હવે આજે દક્ષિણ ઝોનની કુલ ૩૦ મિલકત સામે તંત્ર આકરા પાણીએ આવ્યું છે. આ તમામ કોમર્શિયલ મિલકતોનો આશરે રૂ. ૩.૯૫ કરોડનો બાકી ટેક્સ ચોપડે ઉધાર બોલતો હોઈ જો સાત દિવસમાં તેની ભરપાઈ નહીં કરાય તો તમામ મિલકતોનો મહેસૂલી રેકોર્ડમાં બોજો નોંધાવીને તેની જાહેર હરાજીની પ્રક્રિયા હાથ ધરાશે.