રેડ કોરલ કુકરી સાપની તસવીરે સોશ્યલ મીડિયા પર હંગામો મચાવ્યો છે. ઉત્તર પ્રદેશના લખીમપુર ઘેરીના દૂધવા નેશનલ પાર્કમાં સાપ બે દિવસ પહેલા મળી આવ્યો હતો. લાલ સાપનો ફોટો સ્ટાફ મેમ્બર દ્વારા ક્લિક કરવામાં આવ્યો હતો અને વન્યપ્રાણી સંરક્ષણ અને પર્યટન સંગઠન વાઇલ્ડલેને ટ્વિટર પર શેર કર્યો હતો.
સાપ સૌ પ્રથમ દુધવામાં 1936માં જોવા મળ્યો હતો. તેનું જૂલોજીકલ નામ "ઓલિગોડોન ખેરીએન્સિસ" છે. તેજસ્વી રંગીન સાપ એક દુર્લભ સાપ છે. 82 વર્ષ બાદ આ સાપ ફરીથી દેખાયો છે. વરિષ્ઠ ભારતીય વન સેવા અધિકારી રમેશ પાંડેના જણાવ્યા અનુસાર લાલ કોરલ કૂકરી સાપ છેલ્લા થોડા વર્ષોમાં ચાર વખત જોવા મળ્યો છે. તે પહેલાં આટલી વાર તે ક્યારે જોવા નહોતો મળતો.
જ્યારે તેની તસવીર સોશિયલ મીડિયા પર વાયરલ થઈ ત્યારે લોકોને આ સાપ એકદમ સુંદર લાગ્યો. લોકોએ ટ્વિટર પર આવી પ્રતિક્રિયા આપી છે.
રવિવારે તસવીર શેર કરતા વાઇલ્ડલેન્સે લખ્યું કે, 'દુધવા નેશનલ પાર્ક વિવિધતા અને આશ્ચર્યથી ભરેલું છે. રેડ કોરલ કૂકરી સાપ, એક ખૂબ જ દુર્લભ સાપ છે. આજે સાંજે કર્મચારીઓની ઝૂંપડી પાસે વરસાદ બાદ આ સાપ દેખાયો હતો.