એલર્ટ / ઉત્તરાખંડમાં 2 દિવસ માટે ભારે હિમવર્ષાનું રેડ એલર્ટ, હાડ થીજાવતી ઠંડીમાં ઠૂંઠવાશે લોકો

• ઉત્તરાખંડમાં હાડ થીજાવતી ઠંડીની શક્યતા
• હવામાન વિભાગે આપી ભારે વરસાદ અને શીતલહેરની ચેતવણી
• ઉત્તરાખંડમાં 2 દિવસ માટે જાહેર કરાયું રેડ એલર્ટ

રાજધાની સહિત પ્રદેશમાં સોમવારે વાદળછાયું વાતાવરણ રહ્યું હતું. મેદાની વિસ્તારોમાં દિવસભર સામાન્ય ઝાપટાંની સાથે ઠંડી હવાના કારણે વાતાવરણ ઠંડું થયું હતું. પહાડી વિસ્તારોમાં રાતે કરા પડવાના કારણે હાડ થીજાવતી ઠંડી પડી રહી છે. 

India Meteorological Department: Latest satellite image shows convective clouds over northwest India (J&K, HP, Uttarakhand and some parts of Punjab, Haryana, Rajasthan and Uttar Pradesh) pic.twitter.com/74u8fZljrA

— ANI (@ANI) January 6, 2020

હવામાન વિભાગે આપી આ ચેતવણી

હવામાન વિભાગની જાણકારી અનુસાર 7 અને 8 જાન્યુઆરીએ રાજ્યભરમાં વરસાદ, કરા અને બરફવર્ષા થશે. 7 જાન્યુઆરીએ દહેરાદૂન, હરિદ્વાર, ઉધમ સિંહ નગર, પૌરી અને નૈનિતાલમાં કરાના તોફાનની શક્યતા છે. 8મી જાન્યુઆરીએ 2500 મીટરથી ઉપરના વિસ્તારોમાં ભારે બરફવર્ષા માટે રેડ એલર્ટ જાહેર કરાયું છે. આગામી બે દિવસ રાજ્યભરમાં ઠંડા દિવસની આગાહી કરવામાં આવી છે.

હિમવર્ષાના એલર્ટને કારણે મસૂરીમાં ખાસ ફોર્સની વ્યવસ્થા

બરફવર્ષાના ચેતવણીને કારણે મસૂરી અને ધનૌલ્ટિમાં વધારે સેનાની તૈયારી કરવામાં આવી છે. સી.ઓ. મસૂરીને મસૂરીમાં કેમ્પ કરવાનું કહેવામાં આવ્યું છે, જેથી પ્રવાસીઓને કોઈ પણ પ્રકારની મુશ્કેલીનો સામનો કરવો ન પડે. આગામી બે દિવસ હિમવર્ષાના ઇનપુટ છે. આવી સ્થિતિમાં, મોટી સંખ્યામાં પ્રવાસીઓ પહોંચે તેવી સંભાવના છે. મસૂરીમાં વધતા દબાણના કિસ્સામાં દૂનથી જ ટ્રાફિકને ડાયવર્ટ કરવાની યોજના છે.

Himachal Pradesh: Narkanda in Shimla district received fresh snowfall. (6.1.20) pic.twitter.com/fgJAJaoSob

— ANI (@ANI) January 6, 2020

દહેરાદૂનમાં ગગડ્યો પારો

સોમવારે તાપમાનનો પારો 15.1 ડિગ્રી પર આવી ગયો હતો. વરસાદ સાથે ઠંડા પવનો વધુ વધી ગયા હતા. બજારો સૂમસામ જોવા મળ્યા હતા. હવામાન વિભાગના જણાવ્યા અનુસાર મંગળવારે દહેરાદૂનમાં વિવિધ સ્થળોએ વરસાદની સાથે કરા પણ પડી શકે છે. આ પછી, 8મી જાન્યુઆરીએ કોલ્ડ ડે માટે રેડ એલર્ટ જાહેર કરવામાં આવ્યું છે. હાલમાં લોકોને ઠંડીથી બચવાની સલાહ આપવામાં આવી છે.